Digital marketing in Tamil லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
Digital marketing in Tamil லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

சனி, 20 ஏப்ரல், 2019

வாடிக்கையாளர்களை ஈர்க்கும் ஈடுபாட்டு பதிவுகள் [User Engagment Posts]

நீங்கள் Facebook போன்ற சமூக வலைத்தளங்களில் மூலம் உங்கள் தயாரிப்புகள் அல்லது சேவைகளை விற்க முனைவோரா? இதை கவனத்தில் கொள்ளுங்கள்.
Facebook பயனர் பெரும்பாலும் எந்த பொருளையும் வாங்கும் நோக்கில் இங்கு வரவில்லை.
பெரும்பான்மையான நேரங்களில் அவர் பொழுதுபோக்கிற்க்காகவோ, நண்பர்களுடன் நேரம் செலவிடுவதற்க்காகவோ அல்லது நண்பர்களின் பதிவுகளை காண்பதற்க்காகவோதான் login செய்கிறார் என்பதை நினைவில் கொள்ளுங்கள்.


ஒரு பொருளை வாங்க எண்ணும் பயனர் பொதுவாக Amazon, Flipkart போன்ற ecommerce தளங்களையோ அல்லது அந்நிறுவனத்தின் தளத்தையோ பயன்படுத்துவர். விவரம் அறிந்த பயனராயின் Trivago, Policybazaar போன்ற தளத்தின் மூலம் வாங்கும் முடிவை (puchase decision) மேற்கொள்வர்.


அப்போ Online வர்த்தகத்தில் சமூக வலைத்தளங்களின் பங்கு என்ன?

பெரும்பான்மையான நிறுவனங்களின் வணிகம் Facebook-க்கிலோ Instagram-மிலோ நடப்பதில்லை. மாறாக தங்களின் உத்தேச வாடியாளர்களை (prospective customers) ஈர்த்து தங்கள் நிறுவனத்தை பற்றியும் தயாரிப்புகளை பற்றியும் அவர்கள் அறிய செய்வதே அதன் முதன்மையான நோக்கமாக இருக்கும். உங்கள் நிறுவனத்தில் புதிய தயாரிப்புகள், தயாரிப்புகளை பற்றிய வாடிக்கையாளர்களின் விமர்சனங்கள், விமர்சன வீடியோக்கள், விளம்பர விடியோக்கள் போன்றவற்றை பதிவிடலாம். உங்கள் நிறுவனத்தின் புதிய தயாரிப்புகள் வாடிக்கையாளர்களை உடனுக்குடன் சென்றடைய இது உதவும்.

இத்தகைய பதிவுகளை சீரான இடைவெளியில் பதிவிட்டு வருதல் அவசியம். அப்போதுதான் வாடிக்கையாளர்களின் நினைவில் தொடர்ந்து நாம் இருக்க இயலும். ஒருவேளை அத்தகைய புதிய தகவலோ செய்தியோ இல்லையெனில் என்ன செய்யலாம்? 

அதற்கு உதவுவதுதான் இந்த user engagement posts எனப்படும் ஈடுபாட்டு பதிவுகள்.

ஈடுபாட்டு பதிவுகள் என்றால் என்ன?

நேரடியாக நமது நிறுவனத்தை பற்றியோ தயாரிப்புகளை பற்றியோ பேசாமல், நமது வாடிக்கலகையாளர்களை கவரும் வகையில் போடப்படும் பதிவுகளை, ஈடுபாட்டு பதிவுகளாக வகைப்படுத்தலாம். உதாரணமாக ஒரு குழந்தைகளுக்கான பொருட்களை தயாரிக்கும் நிறுவனம் தனது வாடிக்கையாளர்களை கவரும் வண்ணம் இந்த வீடியோவை பதிவிடலாம்.


உங்கள் பதிவின் நோக்கம்:

ஈடுபாட்டு பதிவின் நோக்கம் நேரடி வியாபாரமோ வருமானமோ அல்ல. அதன் நோக்கம் ...
  • பதிவின் பகிரும் தன்மை எனப்படும் shareability நன்றாக இருக்கவேண்டும் 
  • உங்கள் வாடிக்கையாளரின் எண்ண ஓட்டத்தை வெளிப்படுத்துவதாக இருக்க வேண்டும்.
  • பார்வையாளர்களின் ஈடுபாட்டை(Engagement) பெறும் தன்மை அதாவது like, click அல்லது video views பெற தூண்டுவதாக இருக்க வேண்டும்.

என்ன மாதிரியான பதிவுகளை போடலாம் என்பதற்கு, அரசியல் பேசும் டீக்கடைக் காரரையோ, வீட்டு குறிப்புகள் கொடுக்கும் மளிகை கடை அண்ணாச்சியையோ உதாரணமாக கொள்ளலாம். அதாவது நாம் ஒவ்வொரு முறை கடைக்கு செல்லும்போதும் இவர்கள் தங்கள் பொருளை விற்பனை செய்வது குறித்து மட்டுமே பேசுவதில்லை. மாறாக நமக்கு சுவாரசியமான அல்லது பயனுள்ள விஷயங்களையோ பேசுவர். இதுவே நாம் அக்கடைக்கு தொடர்ந்து செல்ல தூண்டும்.

எனவே நீங்களும் ஒரு User Engagement post-ஐ முயற்சி செய்து பாருங்களேன்...


உங்கள் கருத்துகள் / விமர்சனங்கள் / பரிந்துரைகளை கீழே உள்ள comment box-இல் பகிருங்கள்

ஞாயிறு, 30 செப்டம்பர், 2018

Youtube-ல் கால்பதிக்க ஓர் வழிகாட்டி


YouTube-ஐ பொதுவாக காணொளி (video) பார்க்க பயன்படுத்தியிருப்பீர்கள். இது வீடியோ பார்க்கும் தளம் மட்டுமே அல்ல, இது ஒரு Facebook, Twitter, Instagram போன்ற சமூக வலைத்தளம் மற்றும் உலகளாவிய ரசிகர்களின் சமூகமாகும். ஒவ்வொரு நிமிடத்திற்கும் 400 மணிநேரத்திற்கும் மேற்பட்ட வீடியோக்கள் YouTube-ல் பதிவேற்றப்படுகின்றன என்றால் உங்களால் நம்ப முடிகிறதா?

இன்றைய தலைப்பு செய்திகளிலிருந்து சினிமா செய்திகள் வரை, கல்வி சார்ந்த காணொளிகள் முதல் சமையல் குறிப்புகள் வரை, சர்வதேச நிகழ்வுகள் முதல் திருமண நிகழ்வுகள் வரை அனைத்தையும் பார்க்க, பகிர உதவும் தளமாக இருக்கிறது Youtube. தொலைக்காட்சி, செய்தித்தாள் போன்ற
பாரம்பரிய ஊடகங்களை போல் அல்லாமல் Youtube ரசிகர்கள் தங்கள் கருத்துகளை பகிர மற்றும் படைப்பாளிகள் தங்கள் சமூகங்களுடன் தொடர்புகொள்ள உதவும் ஒரு சமூக வலைப்பின்னலாக விளங்குகிறது. எனவே உங்கள் எண்ணம்போல் எதை வேண்டுமானாலும் (விதிகளுக்கு உட்பட்டு) Youtube-ல் பகிரலாம்.

உங்கள் உணர்வுகள், கருத்துகள் மற்றும் பேரார்வங்களை இந்த சமூகத்துடன் பகிர்ந்து ஒரு Youtube நட்சத்திரமாக செய்ய வேண்டியது இதுதான்...
  1. உங்களுக்கான ஒரு Youtube Channel-ஐ உருவாக்குங்கள்.
  2. உங்கள் கருத்துகளை விரும்பும் பார்வையாளர்களின் முன் உங்கள் காணொளிகளை நிறுத்துங்கள்.
  3. தொடர்ந்து அவர்கள் உங்கள் காணொளிகளை காண செய்யுங்கள்.
  4. மறவாமல் அவர்களின் கருத்துகளை கேட்டறிந்து உங்கள் மெருகேற்றிக்கொள்ளுங்கள்.
எளிமையாக உள்ளதல்லவா?

தெளிவான முன்திட்டமிடல் இருந்தால் மிகவும் எளிமைதான். ஆனால் இதற்கு முன்னர் உங்களை நீங்கள் கேட்டுக்கொள்ள வேண்டிய கேள்விகள் சில உள்ளன...
  • உங்கள் channel-ன் குறிக்கோள் என்ன?
  • உங்கள் பார்வையாளர்களாக சாத்தியமுள்ளவர்கள் யார்?
  • உங்களை போலவே குறிக்கோளுடன் இயங்கும் பிற channel-கள் எவை? (அது பிறமொழி Channel-லாகவும் இருக்கலாம்).
  • அந்த channel-களிலிருந்து உங்களை வேறுபடுத்தி காட்டும் தனித்துவ விஷயம் என்ன?
  • 5 ஆண்டு காலத்தில் உங்கள் channel எவ்வாறு இருக்கும்?
இக்கேள்விகளுக்கு தெளிவான விடை கண்ட பிறகு, உங்கள் Channel-லுக்கான திட்டமிடலை தொடங்கலாம். நீங்கள் திட்டமிட வேண்டிய அடிப்படை விஷயங்கள்:
  • உங்கள் காணொளிகளில் (video) பார்வையாளர்களை கவரும் விஷயம் என்ன.
  • உங்கள் காணொளிகள் எந்த சமூகத்தினருக்கானது (community). இங்கு சமூகம் என நான் குறிப்பிடுவது வயது, பாலினம், வேலை, தொழிற்துறை போன்ற காரணிகளால் ஒன்றுபட்ட குழுக்களை.
  • எந்த ஒரு தனிப்பட்ட சமூகத்தின் தனிப்பட்ட தேவைகளுக்கான உள்ளடக்கத்தை (Niche Content) நீங்கள் உருவாக்க உள்ளீர்கள்.
இந்த முக்கிய விஷயங்களுக்கான தெளிவான பதில்கள் இருப்பின், நீங்கள் வெற்றிகரமான ஒரு Youtube Channel-ஐ தொடங்க தயார்!

நீங்களும் ஒரு Youtube படைப்பாளி ஆக தயாராகிவிட்டீர்களா? நீங்கள் எந்த விஷயத்தை பேசும் channel-ஐ உருவாக்க போகிறீர்கள் என்று comment செய்யுங்கள். மேலும் Youtube படைப்பாளி ஆகுவது குறித்து அறிய எனது அடுத்த பதிவை படியுங்கள்.

உங்கள் கருத்துக்கள் / விமர்சனங்கள் / பரிந்துரைகளை கீழே உள்ள comment box-இல் பகிருங்கள்

புதன், 29 ஆகஸ்ட், 2018

இணையத்தில் வருமானம் ஈட்ட உதவும் Youtube

இணையம் மூலம் சம்பாதிக்கும் எண்ணம் உள்ளவரா நீங்கள்? நீங்கள் அறிந்த கலை அல்லது அனுபவத்தை பிறருக்கு கற்பிக்க தயாரா? அப்பொழுது Youtube-ல் உங்களுக்கென ஒரு channel-ஐ தொடங்கி அவற்றை பதிவிடுவது ஒரு சிறந்த வழி. Youtube-ல் முழு நேர தொழிலாக தேர்தெடுத்த பலரையும் நீங்கள் காணலாம். பகுதி நேர தொழிலாக இதை செய்வோரும் உள்ளனர்.

Video Marketing

Youtube-ல் channel தொடங்குபவர்களுக்கு இரண்டு வருமான வாய்ப்புகள் உண்டு.

1. Google Adsense விளம்பர வருமானம்.

    நம் channel-ஐ Google Adsense-சுடன் இணைப்பதன் மூலம் நம் காணொளிகளில் (video) விளம்பரங்கள் இடம் பெற செய்து வருமானம் ஈட்டலாம். Google தாம் ஈட்டும் விளம்பர வருமானத்தில் ஒரு பங்கை நம்முடன் பகிர்ந்து கொள்ளும்.

2. நம் தனிப்பட்ட விளம்பர வருமானம்.

    நாம் நேரடியாக விளம்பரதாரரின் விளம்பரத்தை நம் காணொளியில் சேர்த்து வெளியிடுவதன் மூலம் ஈட்டும் வருமானம். 
இவ்விரு முக்கிய வருவாய்களை தவிர Superchat, Sponsorship போன்ற பெரிதும் பிரபலமடையாத இதர வருமான ஆதாரங்களும் உள்ளன. அவைற்றை பற்றி நாம் பின்னர் தெரிந்து கொள்வோம்.

Youtube-ஐ பயன்படுத்தி வருவாய் ஈட்டுவது மட்டுமன்றி தனது தொழிலை விளம்பரப்படுத்துவதற்கும் பலரும் பயன்படுத்தி வருகின்றனர். மரபு சார்ந்த தொலைக்காட்சி, வானொலி அல்லது செய்தித்தால் ஊடகங்களுடன் ஒப்பிடும்போது, Youtube-இல் விளம்பரப் படுத்துவதில் சில தனிச்சிறப்புகள் உண்டு.

இது குறித்து மேலும் விரிவாக ஆங்கிலத்தில் கற்க விரும்புவோர், Youtube-இன் அதிகாரபூர்வ பயிற்சி தளமான https://creatoracademy.youtube.com எனும் இணையத்தளத்தில் இலவசமாக கற்கலாம். அல்லது இவை குறித்து தமிழிலேயே தெரிந்துகொள்ள விரும்புவோர் காத்திருங்கள். எமது வலை பதிவின் அடுத்தடுத்த இடுகைகளில் இதுகுறித்து நீங்கள் மேலும் தெரிந்துகொள்ளலாம்.

உங்கள் கருத்துக்கள் / விமர்சனங்கள் / பரிந்துரைகளை கீழே உள்ள comment box-இல் பகிருங்கள்

வெள்ளி, 5 ஜனவரி, 2018

உங்கள் தயாரிப்புகளை பிரபலப்படுத்தும் video-வை தயாரிப்பது எப்படி?

நீங்கள் ஒரு புதிய பொருளை தயாரிப்பவரா? மக்கள் தேவை, வசதிக்கேற்ப மாற்றம் செய்யப்பட்ட தயாரிப்புகளை விற்பவர்களா? அல்லது ஏற்கனவே சந்தையில் உள்ள பொருட்களையே மலிவான விலையில் தயாரித்து விற்பவரா? உங்கள் தொழில் வெற்றிபெற வாழ்த்துக்கள். உங்களை போன்ற  தொழில் முனைவோர்களுக்கு உள்ள பொதுவான சவால், உங்கள் தயாரிப்பு அல்லது சேவையின் புதுமை மற்றும் தனித்துவமான அனுபவங்களை நுகர்வோர்களிடம் கொண்டு சேர்ப்பது. இதை சமாளிக்க சிறந்த உத்தி, காணொளி சந்தைப்படுத்தல் (Video Marketing).
Video Marketing

ஏன் video தேவை?

  • ஒரு தயாரிப்பை எளிமையாகவும் தெளிவாகவும் விளக்க கூடியது.
  • குறைந்த செலவில் நிறைவான வருமானத்தை  பெற்றுத் தரக்கூடியது .
  • நுகர்வோர்களுக்கு நம்பகமானது.
  • அதிகம் சமூக வலைத்தளங்களில் பகிரப்படுவது.
இந்த அடிப்படையானா அனுகூலங்களுடன், உங்கள் video-வில் பகிரப்படும் தகவல்களை பொறுத்து கூடுதல் பலன்களை பெறலாம்.

என்ன video பகிரலாம்:

பொதுவாக வணிக நிறுவனங்கள் பின்வருவனவற்றில் ஏதாவது ஒருவகை வீடியோவை பகிர்வர்.
  • தங்கள் தயாரிப்பு அல்லது சேவையின் செயல் விளக்கம் - Demo Video
  • தங்கள் தயாரிப்பை பற்றிய நுகர்வோரின் சந்தேகங்களும் அதற்க்கான விளக்கங்களும் - Q&A video
  • வாடிக்கையாளர் விமர்சனங்கள் - customer review
  • தயாரிப்பின் திறப்பு மற்றும் பயன்படுத்தும் முறை - Unboxing and Hands-on review
இத்துடன் உங்கள் தயாரிப்பின் பிரத்தியேக தேவைக்கேற்ப video-க்களை தயாரித்து வெளியிடலாம்.

Video-க்கள் நுகர்வோர்களிடம் சென்றடைவது எப்படி?

நீங்க தயாரித்த video-வை சமூக வலைத்தளங்கள் மூலமாக நுகர்வோர்களிடம் கொண்டு சேர்க்கலாம். உதாரணமாக, உங்கள் Facebook timeline-ல் share செய்யலாம், உங்கள் நிறுவனத்தின் Facebook பக்கத்தில் பதிவிடலாம், Facebook Group-களில் பகிரலாம், Whatsapp-ல் பகிரலாம், Youtube மூலமாக அணைத்து தளங்களிலும் embed செய்யலாம். அதுவும் கட்டணம் ஏதும் இல்லாமல்.

Jayaraj
சென்னையை சேர்ந்த திரு.ஜெயராஜ், இந்த முறையில் வெற்றிகரமாக தனது புதிய தயாரிப்பை பிரபலப்படுத்தி வருகிறார். தினமும் இருட்டிய உடன் தானாகவே எரியும் வகையில் LED பல்புகளை தயாரித்து Smart Lite என்ற பெயரில் விற்பனை செய்து வருகிறார். இவர் தனது bulb எப்படி வேலை செய்கிறது, அதன் சிறப்பம்சங்கள் என்ன போன்றவற்றை ஒரு எளிய செயல்விளக்க (demo) வீடியோவை வெளியிட்டார். இதனை தனது Smart Lite Facebook பக்கத்திலும் பகிர்ந்துள்ளார். இவரது டெமோ விடியோவை பார்த்து ஒரு சில நுகர்வோர்களும் மொத்த வியாபாரிகளும் தொடர்பு கொண்டுள்ளனர். இதனை தொடர்ந்து நுகர்வோர்களுக்கு உள்ள ஐயங்களை விளக்கி, அதையும் Q&A video-வாக பதிவிட்டுள்ளார். இவரின் முயற்சி வெற்றி பெற வாழ்த்துக்குவோம்.

இதை போல உங்கள் நிறுவனத்தின் தயாரிப்பையும் video marketing செய்ய வேண்டுமா? அப்போது நீங்கள் கவனத்தில் கொள்ள வேண்டிய சில  விஷயங்கள் என்னென்ன? அந்த video-வை குறைத்த செலவில் நீங்களே எப்படி தயாரிப்பது? இந்த video அதிகமாக பகிரப்பட்டு மேலும் பல நுகர்வோரை சென்றடைவது எப்படி? இவற்றை அறிய எனது அடுத்த பதிவை படியுங்கள்.

உங்கள் கருத்துக்கள் / விமர்சனங்கள் / பரிந்துரைகளை கீழே உள்ள comment box-இல் பகிருங்கள்

வியாழன், 23 நவம்பர், 2017

மொத்த வணிக (B2B business) வாடிக்கையாளர்களை பெற உதவும் Facebook Groups

பொருட்களை தயாரிக்கும் உற்பத்தியாளரா நீங்கள்? அல்லது புதிய வகை பொருட்களை விற்கும் மொத்த வணிகரா? உங்கள் பொருட்களை சந்தை படுத்த மற்றும் விருப்பமுள்ள சில்லறை வணிகர்களை பெற உதவுகிறது Facebook Groups.

Facebook Groups helping wholesale / B2B sales - banner

முதலில் உங்கள் Facebook account-ல் login செய்து கொள்ளுங்கள். பின்னர் மேலே உள்ள search box-ல் உங்கள் ஊர், நகரம் அல்லது மாவட்டப் பெயரை உள்ளிட்டு search செய்யவும். பொதுவாக எல்லா நகருக்கும் அந்தந்த பகுதி வியாபாரிகள் இணைந்து Group உருவாக்கி இருப்பர். அவை ...wholeseller, ...Business, ...market  போன்ற பெயர்களை கொண்டதாக இருக்கும். உதாரணமாக Coimbatore Business Club, Coimbatore Market place, Coimbatore Shoppings / Selling / Realestate Online போன்ற group-களில் உறுப்பினராகி உங்கள் தயாரிப்புகள் அல்லது சேவைகள் குறித்த பதிவிடலாம்.

உங்கள் பொருட்களை வெளியூர்களுக்கு அனுப்பும் (அதாவது shipping service) வழங்குகிறீர்கள் எனில், நீங்கள் மற்ற நகரங்களின் மற்றும் மாநிலவரியான Group-களிலும் பதிவிடலாம். வெளியூர்களுக்கு அனுப்பும்பொழுது ஏற்படும் சவால் என்னவெனில், நம்மிடமிருந்து பொருட்களை வாங்குபவர்கள் யார் என்று நமக்கு தெரியாது.ஆகையால் பொருட்களுக்கான தொகை பெற்ற பின்னர் பார்சலை அனுப்பவும். அல்லது Cash-on-Delivery (சுருக்கமாக COD) முறையில் அனுப்பலாம்.

அதேபோல், Facebook Group-களின் மூலம் பொருட்களை வாங்க வாடிக்கையாளர்கள் தயங்க காரணம், விற்பவர்களின் நம்பகத்தன்மை குறித்த ஐயம். வணிகர் எனும் போர்வையில் மோசடி ஆசாமிகள் சிலர் பொருட்களின் புகைப்படங்களை பதிவிட்டு, பணத்தை பெற்று கொண்டு கம்பிநீட்டிவிடுகின்றனர் என்பதுதான் இந்த அச்சத்துக்கு காரணம். உங்கள் நம்பகத்தன்மையை வாடிக்கையாளர்கள் அறிய நீங்கள் என்ன செய்யலாம்?
  • உங்கள் பொருட்களை பற்றி பதிவிடும்போது அவற்றுடன் நீங்களும் இருப்பது போன்ற புகைப்படத்தை பதிவிடலாம்.
  • உங்க இருப்பிடம் அல்லது கடையின் முகவரி, தொலைபேசி எண், போன்றவற்றை தெளிவாக குறிப்பிடவும்.
  • பொருட்களின் புகைப்படத்தை இணையத்தில் எங்கிருந்தாவது எடுத்து பதிவிடாமல், நேரடியாக நீங்களே எடுத்து பதிவிடவும்.
  • மன நிறைவடைந்த உங்கள் வாடிக்கையாளர்களின் கருத்துக்களை இணைத்து பதிவிடலாம்.
  • Facebook page மூலம் உங்கள் வணிக செயல்பாடுகள் குறித்து பதிவிடலாம். 
Facebook-ல் வாடிக்கையாளர்களின் நம்பிக்கையை பெறுவது அவ்வளவு முக்கியமானதா? ஆம் என்கிறது விகடன் நிறுவவனத்தினர் சமீபத்தில் நடத்திய கருத்துக்கணிப்பின் முடிவுகள். இதில் பங்கேற்றவர்களில் 50% மேற்பட்டோர் Facebook-ல் பகிரப்படும் தகவல்களில் நம்பகத்தன்மை இல்லையென கருத்து தெரிவித்துள்ளனர். ஆகவே, இவற்றை மனதில் கொண்டு Facebook Group-ஐ பயன்படுத்தி பயனடையுங்கள்.

உங்கள் வணிகத்துக்கு Facebook-ஐ வேறு எவ்வாறெல்லாம் பயன்படுத்தலாம் என அறிந்து கொள்ள இந்த பதிவை படிக்கவும்.

வெள்ளி, 15 செப்டம்பர், 2017

Online-ல் உங்கள் முதல் அடியை வைக்க உதவும் Google My Business

Online-ல் நுழைய விரும்பும் சிறுதொழில் முதலாளி அல்லது தொழில்முனைவோரா நீங்கள்? இந்த பதிவின் நோக்கம் உங்கள் நிறுவனம் online-ல் முதல் அடியை வைக்க உதவுவதே. ஆரம்ப கட்டத்தில் உங்கள் சாத்திய வாடிக்கையாளர் உங்கள் நிறுவனத்தை பற்றி அறிய வலைத்தளம் ஏதும் நீங்கள் உருவாக்க தேவையில்லை. இலவசமாக உங்கள் கருத்துகளை உங்கள் வாடிக்கையாளர்கள் மற்றும் சாத்திய வாடிக்கையாளர்களை சென்றடைய உதவுகிறது Google.

உள்ளூரில் வியாபாரம் செய்யும் சிறு வியாபாரிகள் மற்றும் தொழில் முனைவோருக்காக உதவுவதே Google My Business-ன் நோக்கம். Google Maps-ன் அங்கமான Google My Business-ல் உங்கள் நிறுவனத்தை பட்டியலிடுவதன் மூலம், இணையத்தில் உங்களை எளிதில் கண்டறிய இயலும். உங்கள் அருகில் உள்ள வாடிக்கையாளர்கள் உங்கள் பொருட்கள் அல்லது சேவைகள் குறித்து தேடும் பொழுது உங்கள் நிறுவனத்தை அவர்கள் முதன்மையாக காணக்கூடும்.


சரி. உங்கள் நிறுவனத்தை எப்படி Google My Businessல் பட்டியலிடுவது எப்படி?

  1. முதலில் https://business.google.com பக்கத்தை திறக்கவும். உங்கள் Gmail ID-ஐ கொண்டு login செய்யவும்.
  2. பின்னர் வரும் படிவத்தை பூர்த்தி செய்யவும்.
    Google Business form
  3. Submit பொத்தானை click செய்யவும்.
  4. Google Map-ல் உங்கள் நிறுவன இருப்பிடத்தை தேர்ந்தெடுக்க Set marker location பொத்தானை அழுத்தி map-ல் சரியான இடத்தை Click செய்யவும்.
  5. வாடிக்கையாளர் இருப்பிடத்தில் சேவை  வழங்குபவர்களுக்கு மட்டும் பின்வரும் திரை காட்டப்படும். இல்லையேல் நேராக அடுத்த படிக்கு செல்லலாம்.
  6. மேற்குறிப்பிட்டுள்ள திரையில் விவரங்களை பதிவு செய்த பின்னர், அடுத்த திரையின் நீங்கள் இந்த நிறுவனத்தி நிர்வகிக்க அங்கீகரிக்க பட்டவரா என்பதை உறுதி படுத்தவும்.
  7. அடுத்து திரையில் முகவரியை verification செய்ய வேண்டுமெனில் mail பொத்தானை அழுத்தவும்.
  8. 15 நாட்களுக்குள் Google நிறுவனத்திடமிருந்து 5 இலக்க verification code உங்கள் நிறுவன முகவரிக்கு Registered Post மூலம் அனுப்பப்படும். குறிப்பு: உங்கள் நிறுவனத்தின் பெயர் பலகை இருந்தால்தான் தபால்காரர் கடிதத்தை உங்களிடம் வழங்குவார் என்பதை கவனத்தில் கொள்ளுங்கள்.
  9. கடிதத்தை பெற்ற பின்னர் http://google.com/verifymybusiness என்ற பக்கத்தை திறந்து உங்கள் Gmail ID-ஐ கொண்டு login செய்யவும்.
  10. Verification Code-ஐ கொடுக்க பட்ட கட்டத்தில் நிரப்பி submit செய்யவும்.
உங்கள் நிறுவனம் இப்போது Google-ல் பட்டியலிடப்பட்டதுஉங்கள் கருத்துகளை மற்றும் தகவல்களை இந்த பக்கத்தின் மூலம் எப்படி பகிர்வது என்பதை எனது அடுத்த பதிவில் காண்போம்.

என்னை தொடர்பு கொள்ள - Contact me
உங்கள் கருத்துக்கள் / விமர்சனங்கள் / பரிந்துரைகளை கீழே உள்ள comment box-இல் பகிருங்கள்

செவ்வாய், 15 ஆகஸ்ட், 2017

சமூக வலைத்தளத்தில் உங்கள் நிறுவனத்தை பரப்ப தயாரா?

நீங்கள் உங்கள் நிறுவனத்தை சமூக வலைத்தளம் மூலம் பரப்புவதற்கு முன்னர் செய்யவேண்டிய சில சுயபரிசோதனைகள் உள்ளன. ஏனெனில், இவற்றை நீங்கள் கவனிக்க தவறும்போது, உங்கள் பரப்புரை உங்களுக்கே வினையாக மாற வாய்ப்புகள் உள்ளன. எனவே கிழ்கண்ட சோதனைகளை நேர்மையாக உறுதி செய்த பின்னர், அல்லது அதற்கு தேவையான மாறுதல்களை செய்த பின்னர், உங்கள் நிறுவனம் சமூக வலைத்தளத்தில் பிரவேசிக்கலாம்.
Is_your_business_ready_for_Social_media_promotions


  1. நம்பகத்தன்மை: உங்கள் நிறுவனம் சொற்பமான வாடிக்கையாளர்களையே கொண்டிருந்தாலும் அவர்களுக்கு நீங்கள் நம்பகமானவராக இருக்க வேண்டும். இல்லையேல் நீங்கள் நீங்கள் சமூக வலைதளத்தில் உங்கள் விளம்பரங்களுக்கு அவர்கள் எதிர்மறையான கருத்துகளை தெரிவிக்க கூடும். சமூகத்தளவாசிகள் நிறுவனகளின் கருத்துகளை விட சக பயனர்களின் கருத்துகளுக்கே அதிக முக்கியத்துவம் அளிப்பர். சிறுதொழிலில் நம்பகத்தன்மை என்பது வாடிக்கையாளர்களின் கருத்துகளை கேட்பது, வாடிக்கையாளர்களின் தொலைபேசி அழைப்புகளை தவறவிடாமல் ஏற்பது, உங்கள் கட்டணங்களை வெளிப்படையாகவும் தெளிவாகவும் அறிவிப்பது போன்றவற்றை கருதலாம்.

  2. வாடிக்கையாளர் சேவை: உங்கள் நிறுவனம் வாடிக்கையாளர் சேவையை மையமாக கொண்டு செயல்பட வேண்டும். என்னதான் சிறப்பான சேவை அல்லது பொருளை வழங்கினாலும், அதை வாடிக்கையாளரின் தேவையை உணர்ந்து கொடுக்காவிடின், உங்களுக்கு பெரிய வரவேற்பு ஏதும் கிட்டாது. வாடிக்கையாளரின் எதிர்பார்ப்பை மிஞ்சிய சேவையே, அவரை சமூக வலைத்தளத்தில் உங்களை பற்றிய நேர்மறை கருத்துகளை பதிவிட தூண்டும்.

  3. புகார் தீர்வு அமைப்பு: உங்கள் வாடிக்கையாளர் புகார்களை உடனுக்குடன் தீர்க்கிறீர்களா? குறுகிய காலத்தில் சிறந்த தீர்வை அளிக்கிறீர்களா? புகாரை தீர்க்க முடியாத பட்சத்தில் மாற்று தீர்வு அளிக்கிறீர்களா அல்லது வாடிக்கையாளர் மனம் கோணாதவாறு பதில் அளிக்கிறீர்களா? இவற்றிற்கெல்லாம் உங்கள் பதில் ஆம் என்றால் உங்கள் நிறுவனம் சமூகத்தள சந்தைப்படுத்தலுக்கு தயார். இல்லையெனில் வாடிக்கையாளர்கள் தங்கள் புகார்களை சமூகத்தளங்கள் மூலம் வெளிப்படுத்தக்கூடும். உஷார்!

  4. தெளிவான குறிக்கோள்: உங்கள் நிறுவனத்தில் குறிக்கோளை தெளிவாக வரையறுக்க வேண்டும். குறிக்கோள் என்பது நீங்கள் அதிக வருவாய் ஈட்டுவது மட்டுமல்ல. அது உங்கள் நிறுவனம் ஒரு தனி மனிதனுக்கோ அல்லது சமூகத்துக்கோ எவ்வாறு உதவுகிறது என்பதாகும். உங்கள் குறிக்கோள் நேர்மையாக இருக்கும் பட்சத்தில் சமூகத்தளங்களில் நீங்கள் அதிகம் விரும்பப் படுவீர்கள். உங்க சமூகத்தள பதிவுகளும் உங்கள் குறிக்கோளை ஒட்டியே இருத்தல் அவசியம்.

  5. உள்ளடக்க திட்டம்: உங்க சமூகத்தள பதிவுகளுக்கான உள்ளடக்கம் என்னவென்ற திட்டம் இருக்க வேண்டும். பொதுவாக எல்லா நிறுவனங்களுமே வாடிக்கையாளர் பாராட்டுரைகளை (Testimonials) பதிவிடலாம். மற்றும் உங்கள் நிறுவனத்திற்கேற்ப புது வரவுகள், வாடிக்கையாளர் குறிப்புகள், துறை சார்ந்த தகவல்கள், நிறுவனத்தின் நிகழ்வுகள், உங்கள் எதிர்கால திட்டங்கள் போன்றவை பதிவிடத்தகுந்தவை. மேலும் உங்கள் பதிவுகள் ஒரே சீரான கால இடைவெளியில் பதிவிடவேண்டும் என்பதையும் கவனத்தில் கொள்ளவேண்டும்.

  6. நேர மேலாண்மை: சமூகத்தளங்களில் உங்கள் கருத்துகளை பகிரும் கால இடைவெளியை தீர்மானிக்க வேண்டும். அவ்வாறு தீர்மானிக்கப்பட்ட இடைவெளியில் ஒரே சீராக கருத்துக்களை பகிர்ந்து வரவேண்டும். உங்கள் வாடிக்கையாளர்களையும் நிறுவனத்தையும் அதன் குறிக்கோள்களையும் நன்கு உணர்ந்தவர்களால் மட்டுமே சிறப்பான பதிவிட முடியும். அதற்க்கு போதுமான ஓய்வு நேரம் உங்களுக்கு இருக்கிறதா? 
இந்த அணைத்து பரிசோதனைகளிலும் உங்கள் நிறுவனம் தேறிவிட்டதா ? வாழ்த்துக்கள். இப்போது உங்கள் நிறுவனம் சமுகத்தளத்தில் நுழைய தயார்.

என்னை தொடர்பு கொள்ள - Contact me

நீங்கள் அடுத்து தெரிந்து கொள்ள வேண்டியது,Facebook-ஐ பயன்படுத்தி உங்கள் வாடிக்கையாளர்களை சென்றடைவது எப்படி?

திங்கள், 24 ஜூலை, 2017

Facebook கட்டண விளம்பரம் மூலம் சிறந்த பலன்களை பெற 6 ரகசியங்கள்.

இதுவரை நாம் Facebook page-ஐ உருவாக்குவது எப்படி, அதன் மூலம் வாடிக்கையாளர்களை ஈர்ப்பது எப்படி, புதிய வாடிக்கையாளர்களை உருவாக்குவது எப்படி ஆகியவற்றை பார்த்தோம். பின்னர் Facebook ad-ஐ எவ்வாறு உருவாக்கி வெளியிடுவது என்பதை கற்றோம். இப்போது, Facebook கட்டண விளம்பரம் மூலம் சிறந்த பலன்களை பெற 6 அடிப்படை ரகசியங்களை காண்போம்.

How to get best results out of Facebook Ads Tamil
Designed by Freepik

  1. காணொளி விளம்பரம்: புகைப்படங்களை விட காணொளி விளம்பரங்களே (Video ad) பயனர்களின் கவனத்தை அதிகம் கவருகின்றன. தங்கள் Facebook timeline-ல் ஒரு காணொளியின் முற்காட்சியை (preview) பார்த்துவிட்டு play பொத்தானை சொடுக்காமல் கடப்போர் வெகு சொற்பமே. அந்த சொற்பமானோரும் ஒருவேளை அந்த காணொளியை ஏற்கனவே பார்த்துவிட்டதால் கடந்திருக்கலாம். ஆகையால் உங்கள் சாத்திய வாடிக்கையாளர்களை கவரக்கூடிய காணொளியை பயன்படுத்தி விளம்பரம் செய்யலாம். Slideshow வசதியை பயன்படுத்தி 10 நிழற்படங்கள் வரை ஒன்றாக கோர்த்து காணொளியை உருவாக்கியும் விளம்பரப்படுத்தலாம். 

  2. பிரிவு வாரியான விளம்பரம்: ஒவ்வொரு பிரிவினருக்கும் வெவ்வேறு விதமான ரசனை இருக்கும். ஆகையால் உங்கள் சாத்திய வாடிக்கையாளர்கள் யார் என்பதை உணர்ந்து அவர்களின் ரசனைக்கேற்ப தனித்தனி பிரிவுகளாக பகுக்க வேண்டும். உதாரணமாக, 15 வயதுக்குட்பட்ட குழந்தைகள், 15 முதல் 35 வயதுவரையுள்ள இளைஞர்கள், 35 முதல் 55 வயதுள்ள நடுத்தர வயதினர் மற்றும் 55 வயதுக்கு மேற்பட்ட மூத்த குடிமக்கள் என பகுக்கலாம். ஒவ்வொரு பிரிவினருக்கும் ஏற்றவாறு உங்கள் விளம்பரத்தை யுத்தியை வடிவமைத்தல் நல்ல பலனை தரும்.


  3. உருவாக்கப்படுத்தல்: உங்கள் விளம்பரத்தின் இலக்கு பார்வையாளர்களை (Target Audience) தேர்ந்தெடுக்கும் போது உங்கள் சாத்திய வாடிக்கையாளரின் உருவகப் (persona) படுத்திக்கொள்ள வேண்டும். அவர்களின் பழக்கவழக்கங்கள் என்ன, எந்த சந்தர்ப்பங்களில் உங்கள் நிறுவன சேவையை பயன்படுத்துவர் என்பதை மனதில் கொண்டு உங்கள் advert set-ஐ தேர்ந்தெடுக்க வேண்டும். உங்கள் விளம்பரத்தின் படம் மற்றும் அதன் வாக்கியங்கள் உங்கள் உருவாக பயனரை ஈர்க்கும் வகையில் இருக்க வேண்டும். நீங்கள் ஒன்றுக்கும் மேற்பட்ட பிரிவுகளில் (segment) விளம்பர படுத்த திட்டமிட்டிருக்கிறீர்கள் எனில் ஒவ்வொரு பிரிவுக்கும் தனித்தனி உருவாக பயனர்களை உருவாக்கி அவர்களுக்கேற்ற விளம்பரங்களை தனித்தனியாக வடிவமைத்து பயன்படுத்தினால், குறைந்த செலவில் அதிக வாடிக்கையாளர்களை பெற முடியும்.

  4. துடிப்பான வண்ணங்கள்: நீங்கள் புகைப்படம் அல்லது வரைபடத்தை விளம்பரத்துக்கு பயன்படுத்துகிறீர்கள் எனில், அதற்க்கு துடிப்பான (vibrant) வண்ணங்களை தேர்தெடுக்கவும். அது பிண்ணனிக்கு எடுப்பாக இருக்க வேண்டும். அப்பொழுதுதான் பயனரின் கவனம் நீங்கள் கூற விரும்பும் பொருளில் குவியும். வெள்ளை நிறத்தை பின்னணியாக பயன்படுத்தும் போது அது Facebook timeline-ன் வெண்ணிற பின்னணியுடன் கலந்து ஒரு சிறந்த தோற்றத்தை கொடுக்கும். 

  5. தலைப்பு: உங்கள் விளம்பரத்தில் தலைப்பு இரத்தின சுருக்கமாக இருக்க வேண்டும். அதே சமயம் உங்கள் விளம்பர மூலம் எதிர் நோக்கும் செயலை அறிவுறுத்துமாறு இருக்க வேண்டும். இதனை இணைய வழக்கில் call-to-action என குறிப்பிடுவர். எண்களை கொண்ட தலைப்புகள் அதிக பயனர்களை ஈர்க்கின்றன என்று சமீபத்திய ஆய்வுகள் தெரிவிக்கின்றன. உதாரணமாக, "5% discount ...","Rs.50 OFF..." போன்ற வாக்கியங்களை உங்களை தேவைக்கேற்ப பயன்படுத்தலாம். அதே போல தலைப்பை கேள்வியாக அமைப்பதன் மூலம்மும்  பயனரின் ஆர்வத்தை தூண்டலாம். உதாரணமாக, "சென்னையில் சிறந்த பிரியாணி எங்கு கிடைக்கும் என்று அறிவீர்களா?" என்பது போல உங்கள் தலைப்பை வடிவமைக்கலாம்.

  6. படம்-உரை விகிதம்: உங்கள் புகைப்படம் அல்லது வரைபடத்தில் 20%-திற்கு குறைவான பகுதியை மட்டுமே உரைக்காக (Text) பயன்படுத்த வேண்டும் என Facebook பரிந்துரைக்கிறது. ஆகவே சிறந்த பயனை பெற உங்கள் படத்தில் உங்கள் நிறுவன முத்திரை (logo) மற்றும்  உங்கள் விளம்பர நோக்கம் தவிர வேறெதையும் படத்தின் மேல் குறிப்பிடாமல் தவிர்த்துவிடவும். உங்கள் தகவலை தலைப்பு பகுதியிலேயே குறிப்பிடலாம்.
மேற்குறிப்பிட்ட அனைத்தும் அடிப்படை வரைமுறைகள் மட்டுமே. இதற்கு உட்பட்டு உங்கள் படைப்பாற்றல், தேவை, ஆய்வு முடிவுகள் ஆகியவற்றுக்கேற்ப உங்கள் விளம்பரங்களை வடிவமையுங்கள். வாழ்த்துக்கள்.

என்னை தொடர்பு கொள்ள - Contact me
உங்கள் கருத்துக்கள் / விமர்சனங்கள் / பரிந்துரைகளை கீழே உள்ள comment box-இல் பகிருங்கள்

திங்கள், 17 ஜூலை, 2017

Facebook-ல் கட்டண விளம்பரம் செய்வது எப்படி? - தொடர்ச்சி

Facebook விளம்பரத்தை வடிவமைப்பது எப்படி என்று அறிந்து கொள்வோம். முதலில் Advert name, அதாவது விளம்பரத்தின் பெயரை உள்ளிடவும். அடுத்து விளம்பரத்தின் படங்களை தேர்வு செய்ய வேண்டும். Facebook நமக்கு 3 வகையான படங்களை உபயோகிக்க வசதியளிக்கிறது.

Single image: ஒற்றை புகைப்படத்தை பயன்படுத்தலாம். அந்த புகைப்படம் நாம் ஏற்கனவே இந்த page-ல் பதிவிட்டுள்ள புகைப்படமாக இருக்கலாம் அல்லது புதிதாகவும் upload செய்யலாம். இதற்கு மாற்றாக
ஏற்கனவே ஆயத்தமாக கொடுக்கப்பட்டுள்ள free stock images-களையும் பயன்படுத்திக் கொள்ளலாம். இவ்வாறு நாம் 6 புகைப்படங்கள் வரை தேர்ந்தெடுத்து பயன்படுத்த முடியும். அதாவது ஒவ்வொரு முறை விளம்பரம் காட்டும் பொழுதும் 6-ல் ஏதாவது ஒரு புகைப்படம் காண்பிக்கப்படும்.

Single video: ஒற்றை காணொளியை நீங்கள் பதிவேற்றலாம். இங்கும் நீங்கள் video-வை upload செய்ய அல்லது ஏற்கனவே பதிவிட்டுள்ள காணொளியை பயன்பதுத்த வசதியளிக்கப் பட்டுள்ளது. அடுத்து உங்கள் காணொளியின் thumbnail எனப்படும் முன்னோட்ட காட்சியை தேர்ந்தெடுக்கவும். இதற்க்கு உங்கள் காணொளியின் ஒரு காட்சியை தேர்ந்தெடுக்கலாம் அல்லது நீங்களே ஒரு புகைப்படத்தை பதிவேற்றலாம். உங்கள் விளம்பரத்தை காணும் பயனர்கள் முதலில் thumbnail படத்தையே காண்பர். அதன் பின்னரே play பொத்தானை அழுத்தி காணொளியை காண இயலும். ஆகையால் நீங்கள் தேர்ந்துக்கும் thumbnail காட்சி பயனரின் ஆர்வத்தை தூண்டும் விதமாக அமைவது அவசியம்.

Slideshow: நீங்கள் 3 முதல் 10 புகைப்படம், காணொளி அல்லது இரண்டையும் கலந்து ஒரே காணொளியாக இணைத்து பயன்படுத்த Facebook வசதியளிக்கிறது. இதற்கு பின்னணி இசையையும் சேர்த்துக் கொள்ளலாம். இதையே slideshow என்று அழைக்கின்றனர். slideshow-ஐ உருவாக்கிய பின் ஏற்கனவே குறிப்பிட்டவாறு thumbnail-லையும் தேர்ந்தேடுக்கவும்.

படங்கள் மற்றும் காணொளிகளை பதிவேற்றும் பொழுது Facebook பரிந்துரைக்கும் அளவீடுகளை கருத்தில் கொண்டு செயல்பட்டால் சிறந்த பலன்களை பெறலாம்.

How_to_do_paid_advertising_on_Facebook_contd_banner
Designed by Freepik
நிறைவாக, நீங்கள் விளம்பரப்படுத்த வேண்டிய பக்கம் மற்றும் அதை பற்றிய குறுவிளக்கம் ஆகியவற்றை உள்ளிடவேண்டும். உங்கள் பக்கத்தை பற்றிய விளக்கம் இரத்தின சுருக்கமாகவும் அதே சமயம் உங்கள் சாத்திய வாடிக்கையாளர்களை கவருமாறும் அமையவேண்டும். உங்கள் விளம்பரம் வாடிக்கையாளர் பார்வையில் எவ்வாறு இருக்கும் என்பதை இடது பக்கத்திலுள்ள preview பலகத்தில் காணலாம்.நீங்கள் ஒவ்வொரு முறை உங்கள் உள்ளீடுகளை மாற்றியமைக்கும் போதும், உங்கள் விளம்பர முன்னோட்டத்தில் அதன் மாற்றங்களை உடனடியாக கண்டுணரலாம்.

அனைத்து உள்ளீடுகளையும் ஒரு முறை சரி பார்த்த பின்னர் Place order பொத்தானை அழுத்தவும். இப்பொழுது உங்கள் விளம்பரம் "pending review" நிலையில் இருக்கும். Facebook உங்கள் விளம்பரத்தை ஆய்வு செய்த பின்னர் காட்சிப்படுத்தப் படும்.

உங்கள் விளம்பரத்திற்கு உரிய கட்டணத்தை செலுத்த வலது பலகத்தில் மேல் மூலையில் உள்ள "advert manager" எனும் தலைப்பை சொடுக்கி "Billing & payment methods" எனும் விருப்பை தேர்வு செய்யவும். பின்னர் 

"Edit payment methods"-ஐ சொடுக்கி பின்வரும் திரையில் "add money" பொத்தானை அழுத்தவும். நீங்கள் credit / debit card, netbanking அல்லது PayTM wallet-ஐ பயன்படுத்தி கட்டணம் செலுத்தலாம். உங்கள் விளம்பரத்தின் பயன்பாட்டுக்கேற்ப கட்டணம், முன்பணத்திலிருந்து கழித்துக் கொள்ளப்படும்.

Facebook கட்டண விளம்பரம் மூலம் சிறந்த பலன்களை பெற 6 ரகசியங்கள் என்ன? இதற்க்கான விடையை  தெரிந்து கொள்ள எனது அடுத்த post-ஐ படியுங்கள்!

என்னை தொடர்பு கொள்ள - Contact me
உங்கள் கருத்துக்கள் / விமர்சனங்கள் / பரிந்துரைகளை கீழே உள்ள comment box-இல் பகிருங்கள்.

புதன், 12 ஜூலை, 2017

Facebook-ல் கட்டண விளம்பரம் செய்வது எப்படி?

இதுவரை நீங்கள் உங்கள் நண்பர்கள், துறை சார்ந்த குழுக்கள், உங்கள் வாடிக்கையாளர்கள், அவர்கள் சார்ந்த குழுக்கள் என அனைவருக்கும் உங்கள் Facebook பக்கத்தை பற்றி தெரியப் படுத்தியுள்ளீர்கள். நீங்கள் பதிவிடும் சுவாரசியமான பதிவுகளை இவர்களுடன் தொடர்ந்து பகிர்வதன் மூலமும் அவர்களை உங்கள்வசம் ஈர்க்க முயற்சிக்கலாம்.

தொடர்ந்து இப்பயிற்சியை திரும்பத்திரும்ப செய்வதன் மூலம் இயற்கையான நேயர்களை (organic customers) நீங்கள் பெறலாம். நமது சாத்திய வாடிக்கையாளர்களின் தோராயமான எண்ணிக்கையை மனதில் கொண்டு, அதில் 2% பயனர்களை நமது நேயர்களாக பெறுவதை, நமது இலக்காக வைத்துக்கொள்ளலாம். ஆனால் அதற்காக செலவழியும் நேரம் மற்றும் நம் போட்டியாளர்களின் நடவடிக்கைகளை கருத்தில் கொண்டு, நமது இலக்கை விரைவாக சென்றடைய அவசியம் ஏற்படலாம். அதற்க்கான தீர்வையும் Facebook-எ வழங்குகிறது.

How_to_do_paid_advertising_on_Facebook_banner
Designed by Freepik

நீங்கள் உங்கள் கட்டண விளம்பரத்தை Facebookல் பிரசுரிப்பது எப்படி?

Facebook பல வகையான விளம்பர குறிக்கோள்களை (objective) அளிக்கிறது. தொடக்க நிலையில் நாம் நமது பக்க நேயர்களை (likes) அதிகரிக்கும் குறிக்கோளை மட்டும் காண்போம். முதலில், மேல் பலகத்தில் உள்ள தலைகீழ் முக்கோண பொத்தானை சொடுக்கி, அந்த பட்டியலில் Create advert என்ற விருப்பை தேர்வு செய்யவும். உங்கள் விளம்பரத்தை பிரசுரிப்பதில் 3 படிகள் உள்ளன.
  1. Campaign: Campaign என்பதே உங்கள் விளம்பரத்தின் உயரிய நிலை. இதில் Reach குறிக்கோளை தேர்ந்தெடுக்கவும். பின்னர் உங்கள் campaign-க்கு தகுந்த பெயரை உள்ளீடு செய்யவும்.
  2. Advert set: அடுத்த நிலையில் Advert set-ஐ தேர்ந்தெடுக்கவும். Advert set-இன் பெயரை உள்ளிட்டு, விளம்பரம் செய்ய வேண்டிய பக்கத்தை தேர்ந்தெடுக்கவும். Audience பகுதியில், location textbox-ல் உங்கள் சாத்திய நேயர்கள் இருக்கும் பகுதியை உள்ளிடவும். அல்லது drop pin பொத்தானை அழுத்தி map-ல் ஒரு புள்ளியை தேர்ந்தெடுக்கலாம். இயல்பாக உங்கள் pin-ஐ சுற்றி 16 கிலோமீட்டர் சுற்றளவில் உள்ளவர்கள் தேர்ந்தெடுக்க பட்டிருப்பர். உங்கள் தேவைக்கேற்ப சுற்றளவை மாற்றியமைத்துக் கொள்ளலாம். 

    நீங்கள் location-ஐ தேர்ந்தெடுத்த பின்னர், வலது பலகத்தில் உள்ள Audience size பகுதியில் உங்கள் விளம்பரம் சென்றடையாக் கூடிய பயனர்களின் மதிப்பீட்டு எண்ணிக்கையை அறியலாம்.அதன்பின் ஒவ்வொரு முறை நீங்கள் உள்ளீடுகளை மாற்றியமைக்கும் போதும் இந்த மதிப்பீடு தானாகவே மாறுவதை கவனிக்கலாம்.

  3. அதன் பின்னர் உங்கள் சாத்திய நேயர்களின் வயது, பாலினம், மொழி ஆகியவற்றை உள்ளிடுங்கள். பின்னர் Detailed targeting-ல் உங்கள் சாத்திய நேயர்களின் விருப்பங்கள், குணாதிசயங்கள், உறவு நிலை (relationship status), கல்வி உள்ளிட்ட பல்வேறு தகவல்களை உள்ளிடலாம். இது மட்டுமன்றி உங்கள் சத்திய நேயர்கள் ஆக தகுதியற்றவர்கள் குணங்களையும் உள்ளீடு செய்து  அவர்களை விளம்பரம் சென்றடையாமல் தவிர்க்கலாம்.

    ஆரம்ப கட்டத்தில் நாம் சில அதிநவீன வசதிகளை சேர்த்துக் கொள்ளவேண்டிய அவசியமில்லை. Facebook advertising-ல் நீங்கள் கைதேர்ந்த பின்னர் உங்களது அடுத்தடுத்த விளம்பரங்களில் அவற்றை தேவைக்கேற்ப்ப பரீட்சித்துப் பார்க்கலாம்.

    அடுத்து Budget-ல் உங்கள் தினசரி அல்லது மொத்த விளம்பரத்திற்க்கான வரம்பை பதிவு செய்துக் கொள்ளலாம். Schedule-ல் உங்கள் விளம்பரத்தின் ஆரம்ப மற்றும் நிறைவு தேதிகளை பதிவு செய்து கொள்ளலாம். இவற்றை பதியாவிட்டால் நமது கணக்கில் இருக்கும் தொகைக்கேற்ப விளம்பரம் செய்யப்படும்.

    நிறைவாக, உங்கள் விளம்பரத்தை வடிவமைக்க வேண்டும். அதை பற்றி எனது அடுத்த பதிவில் விரிவாக பார்க்கலாம்.

என்னை தொடர்பு கொள்ள - Contact me
    உங்கள் கருத்துக்கள் / விமர்சனங்கள் / பரிந்துரைகளை கீழே உள்ள comment box-இல் பகிருங்கள்.

திங்கள், 10 ஜூலை, 2017

Facebook page-ன் admin கவனிக்க வேண்டிய விஷயங்கள் யாவை?

இப்போது உங்கள் Facebook page தயாராகி விட்டது. ஒரு சில தகவல்களையும் பதிவு செய்துவிட்டீர்கள். உங்கள் நண்பர்கள் மற்றும் நண்பர்களின் நண்பர்கள் வட்டத்தை சேர்ந்த சிலர் உங்கள் page-ஐ like செய்துள்ளனர். இந்த பக்கத்தின் admin-ஆக நீங்கள் அடுத்து செய்ய வேண்டியதென்ன?

Things_to_be_noted_by_faacebook_admin banner
Designed by Freepik

முதற்கட்டமாக, அதிக செலவில்லாமல் உங்கள் பக்கத்தை பிரபலப்படுத்தும் முறைகளை காண்போம். நிஜ உலகில், உங்கள் நிறுவனத்தில் பெயர் பலகை, விளம்பர பலகை, முகப்பு அட்டை (visiting card) போன்று இயன்ற இடங்களில் எல்லாம் பக்கத்தின் விவரத்தை குறிப்பிடலாம். இதனால் உங்கள் பக்கத்தை பற்றி வாடிக்கையாளர்கள் அறிவதுடன், அதன் நம்பகத்தன்மையும் அதிகரிக்க வாய்ப்புள்ளது.

இணைய உலகில், உங்கள் துறை சம்பந்தமான group-கள், forum-கள், Facebook உள்ளிட்ட பிற சமூக வலைத்தள பக்கங்களில், உங்கள் Facebook page-ன் உரலியை (link) பதிவிடுங்கள். இத்துடன் சாத்தியமான வாடிக்கையாளர்கள் (potential customers) பங்கேற்க்க கூடிய தளங்களிலும் பதிவிடுங்கள். இது இணைய வெளியில் நிறுவனத்தை பிரசித்தி அடைய செய்யும்.

மேற்குறிப்பிட்ட நடவடிக்கைகளின் மூலம் 100 like-கலாவது கிடைப்பின் நாம் சரியான திசையில் பயணிக்கிறோம் என கொள்ளலாம். அதற்கு குறைவான like-கள் மட்டுமே பெற்றால், நமது பக்கத்தின் உள்ளடக்கத்தை மாற்றியமைப்பது குறித்து ஆலோசிக்கலாம். 

இப்பொழுது, எந்த பதிவுகளில் வாடிக்கையாளர்கள் ஈடுபாடு காட்டுகிறார்கள் என்பதை நீங்கள் insights பகுதியில் தெரிந்து கொள்ளலாம். கணிசமான வாடிக்கையாளர்கள் ஈடுபாடு காட்டும், அதாவது like, share, comment செய்யும் வகை பதிவுகளை நீங்கள் தொடர்ந்து பதிவிடலாம்.

Facebook-ல் கட்டண விளம்பரம் செய்வது எப்படி? தெரிந்து கொள்ள எனது அடுத்த post-ஐ படியுங்கள்!

என்னை தொடர்பு கொள்ள - Contact me
உங்கள் கருத்துக்கள் / விமர்சனங்கள் / பரிந்துரைகளை கீழே உள்ள comment box-இல் பகிருங்கள்.

ஞாயிறு, 9 ஜூலை, 2017

எவ்வகை Facebook பதிவுகள் உங்கள் வாடிக்கையாளர்களை கவரும்?

உங்கள் வணிகம் என்ன, என்ன உள்ளடக்கத்தை பதிவிடப் போகிறீர்கள், உங்கள் சாத்தியமான வாடிக்கையாளர் யார் என்பதற்கேற்ப்ப உங்கள் பதிவுகள் அமைய வேண்டும். பொதுவாக நிஜ உலகில் உங்கள் வாடிக்கையாளர்களை எது கவர்கிறது என்பதை அறிந்து இணைய உலக பதிவுகளை தேர்ந்தெடுப்பது சாலச் சிறந்தது.

Which kind of posts attracts customers -banner
Designed by Freepik

பொதுவாக, காணொளி பதிவுகள் (video) பெருவாரியான மக்களை கவரும். உங்கள் வணிகத்தின் அறிமுகம், நோக்கம் போன்றவற்றை விளக்கும் காணொளி, செயல்விளக்க காணொளி, உங்கள் வணிக நிகழ்வுகளின் காணொளி போன்றவற்றை பதிவிடலாம்.

காணொளி உருவாக்கும் போது அல்லது தொகுக்கும் பொது கவனத்தில் கொள்ள வேண்டியது, சராசரியாக ஒவ்வொரு காணொளியும் 5-6 வினாடிகள் மட்டுமே பார்க்கப்படுகிறது. 6 வினாடிக்குள் தங்களை கவரும் காணொளியை மட்டுமே பயனர்கள் தொடர்ந்து பார்க்கின்றனர். ஆகவே 6 வினாடிக்குள் காணொளியின் உள்ளடக்கத்தை பயனர் உணரச்செய்ய வேண்டும். பொதுவாக 60 முதல் 90 வினாடிக்குள் இருக்கு காணொளிகள் நீங்கள் எதிர்பார்த்த பலனை கொடுக்கும். தேவைப்படின், காணொளியை பாகங்களாக பகுத்து தொடராக வெளியிடலாம்.

உங்கள் வணிகம் கல்வி, இலக்கியம், செய்திகள் தொடர்பாக இருப்பின், நீங்கள் பத்திகளாக(text) பதிவிடலாம். காணொளியை போலவே இதிலும், நெடிய பத்திகளில் பயனர்கள் கவனம் இழக்க அதிக வாய்ப்புள்ளது. ஆகவே சிறிய பத்திகளாக பதிவிடலாம். நெடிய பத்திகளை பகுதிகளாக பிரித்து வெளியிடலாம். மிகவும் சுவாரசியமான உள்ளடக்கமாக இருப்பின் இந்த வரையறை ஏதும் தேவையில்லை.

உங்கள் வணிகம் பொருள் விற்பனை, புகைப்படம், உணவகம் தொடர்பானதாக இருப்பின் புகைப்படங்களை பதிவிடுவது சிறந்த உத்தியாகும்.

மேற்குறிப்பிட்ட பதிவுகளை தவிர விளம்பர பதிவு, live Video பதிவு, நிகழ்வு (event) பதிவு, சலுகை (offer) பதிவு போன்ற மேலும் பல வசதிகளும் உள்ளன. அவற்றை தேர்ந்தெடுத்து தகுந்த உள்ளீடுகளை அளிப்பதன் மூலம் எளிதில் பயன்படுத்திக் கொள்ளலாம்.

Facebook page-ன் admin கவனிக்க வேண்டிய விஷயங்கள் யாவை? தெரிந்து கொள்ள எனது அடுத்த post-ஐ படியுங்கள்!

என்னை தொடர்பு கொள்ள - Contact me
உங்கள் கருத்துக்கள் / விமர்சனங்கள் / பரிந்துரைகளை கீழே உள்ள comment box-இல் பகிருங்கள்.



சனி, 8 ஜூலை, 2017

Facebook-ஐ பயன்படுத்தி உங்கள் வாடிக்கையாளர்களை சென்றடைவது எப்படி?

இணையத்தில் உங்கள் வணிகத்தை இலவசமாக விளம்பரப் படுத்த சிறந்த வழி, Facebook page உருவாக்குவது.

Facebook-இல் விளம்பரப்படுத்துவதில் முதல் படி Facebook Page உருவாக்குதல். Facebook Page என்பது Facebook profile-லிருந்து சற்றே மாறுபட்டது. உங்கள் நிறுவனத்துக்கான page தொடங்குவதன் மூலம் post, photo, video-க்கலை பகிர்வதோடு contest நடத்தலாம், offer-களை பகிரலாம். Facebook page-ன் மூலமே Facebook-ல் கட்டண விளம்பரங்களை பிரசுரிக்க முடியும்.

Facebook page-ஐ உருவாக்குவது எப்படி?

  • முதலில் facebook.com தளத்தை திறந்து உங்கள் username மற்றும் password-ஐ பயன்படுத்தி login செய்யவும்.
  • பின்னர் இடது பலகத்தில் Create-எனும் தலைப்பின் கீழ் page என்ற link-ஐ சொடுக்கவும் (click செய்யவும்).
  • அடுத்த திரையில் நீங்கள் உள்ளூர் வணிகரா, நிறுவனமா, வியாபாரியா  என்பதற்கேற்ப தகுந்த விருப்பை தேர்ந்தெடுக்கவும்.
  • அடுத்து உங்கள் பக்கத்தின் பெயரை பதிவு செய்யவும்.
  • உங்கள் பக்கம் உருவாக்க பட்டுவிட்டது. உங்கள் நிறுவனம் / வர்த்தகத்தின் முத்திரை மற்றும் வாடிக்கையாளர்கள் எளிதில் தொடர்புபடுத்திக் கொள்ளக்கூடிய புகைப்படம் போன்றவற்றை முறையே profile மற்றும் cover புகைப்படமாக பொருத்தலாம்.
  • உங்கள் வணிகத்தை பற்றிய அறிமுகம் மற்றும் விளக்கம், முகவரி, இடம், தொடர்பு எண், வணிக நேரம் போன்ற தகவலையும் பகிரலாம். உங்கள் வணிகத்துக்கு பொருத்தமற்றவற்றை அல்லது பொதுமக்களுக்கு பகிரவிரும்பாதவற்றை தவிர்த்து விடலாம்.
இப்போது உங்கள் Facebook page தயாராகி விட்டது. 

How to reach your customers through Facebook - Banner
Designed by Freepik

எப்போது page-ல் post செய்ய வேண்டும்?

Page-ஐ உருவாக்கியவுடன் உங்கள் வணிகத்தின் அறிமுகத்தை பத்தியாகவோ, புகைப்படமாகவோ அல்லது காணொளியாகவோ பதிவிடலாம். 

உங்கள் பொருள் / சேவையை வாடிக்கையாளர் பயன்படுத்தும் கால இடைவெளி மற்றும் நீங்கள் உள்ளடக்கத்தை (content) உருவாக்க தேவையான இடைவெளி போன்றவற்றை கருத்தில் கொண்டு, நீங்கள் பதிவிடப்போகும் இடைவெளியை தேர்ந்தெடுக்கவும். பின்னர் அந்த இடைவெளிக்கு மிகாமல் தொடர்ந்து பதிவிடுங்கள். இவ்வாறு செய்வதால் உங்கள் வாடிக்கையாளர்கள் நினைவில் நீங்கள் தொடர்ந்து இடம்பெற வழிவகுக்கும்.

ஒருவேளை பொருளடக்கத்தை உருவாக்க அதிகப்படியான நேரம் தேவைப்படுமாயின், இடைச்செருகலாக உங்கள் வணிகம் சம்பந்தமான பிற சுவாரசிய தகவல்கள் அல்லது புகைப்படம் / காணொளிகளை பதிவிட்டு வரலாம். இது உங்கள் வாடிக்கையாளர்களின் ஈடுபாடு குறையாமல் இருக்க உதவும்.

எவ்வகை Facebook பதிவுகள் உங்கள் வாடிக்கையாளர்களை கவரும்? தெரிந்து கொள்ள எனது அடுத்த post-ஐ படியுங்கள்!

என்னை தொடர்பு கொள்ள - Contact me
உங்கள் கருத்துக்கள் / விமர்சனங்கள் / பரிந்துரைகளை கீழே உள்ள comment box-இல் பகிருங்கள்.

வெள்ளி, 7 ஜூலை, 2017

சமூக வலைத்தளங்களை பயன்படுத்தி சம்பாதிப்பது எப்படி?

சமூக வலைத்தளங்கள் பொழுதுபோக்குக்காக மட்டுமே என்று நினைப்பவரா நீங்கள்? இல்லை. சமூக வலைத்தளங்களை சரியாக கையாண்டால் அதன் மூலம் பணம் சம்பாதிக்கவும் முடியும்.

நிஜ உலகில் வர்த்தகம் செய்து வரும் சிறு / குறு தொழில் முனைவோரா நீங்கள் ? ஆம் எனில் நீங்கள் உங்கள் வியாபாரத்தை சமூக வலைத்தளங்களை பயன்படுத்தி வருமானத்தை பெருக்கலாம்.

சமூக வலைத்தளம் மூலம் நேரடியாக வியாபாரம் செய்ய முடியுமா?

முடியும். ஆனால் அவ்வாறு முயன்றவர்களால் பெரிதாக வருமானம் ஈட்ட முடியவில்லை என்பதே நிதர்சனம். மாறாக சமூக வலைத்தளங்களை பயன்படுத்தி வாடிக்கையாளர்களை ஈர்க்கலாம், ஈடுபடுத்தலாம். இதனை சந்தை மொழியில் customer Engagement என்று அழைக்கின்றனர்.
Social media for small business banner
Designed by Freepik

உதாரணமாக, நீங்கள் ஒரு சிறிய உணவகமோ அல்லது சாலையோர உணவகமோ நடத்துகிறீர்கள் என வைத்துக்கொள்வோம். நீங்கள் உங்கள் வாடிக்கையாளரை தக்க வைத்துக்கொள்ள என்ன செய்வீர்கள்? 
  • உங்கள் உணவில் சிறப்பை விளக்குதல் .
  • உங்கள் கடையின் தனித்துவத்தை எடுத்துக்கூறுதல் .
  • உங்கள் அல்லது உங்கள் சமையல்காரரின் சமையல் அனுபவம் மற்றும் திறமையை எடுத்துக்கூறுதல்.
  • சமையல் முறையை வாடிக்கையாளர் காண அனுமதித்தல்.
  • உணவு பண்டங்களின் பாரம்பரியம் அல்லது ஊட்டச்சத்துக்களை விளக்குதல்.
  • பிற வாடிக்கையாளர்களின் பாராட்டுகளை குறிப்பிடுதல்.
இதை நிஜ உலகில் செய்யும் பொழுது உங்கள் கருத்து 5-6 பேருக்கு மட்டுமே சென்றடையும். இதையே நீங்கள் சமூக வலைத்தளம் மூலம் பகிரும்போது அது சில ஆயிரக்கணக்கானோரை சென்றடைய வாய்ப்புள்ளது.

மேற்குறிப்பிட்ட செயல்களை சமூக வலைத்தளம் மூலம் எவ்வாறு செய்யலாம்?

  • உங்கள் உணவின் சிறப்பை விளக்கும் பத்தி, photo அல்லது video-வை பதிவிடலாம்.
  • உங்கள் கடையின் சிறப்பை விளக்கும் பத்தி, photo அல்லது video-வை பதிவிடலாம்.
  • உங்கள் அல்லது உங்கள் சமையல்காரரின் சமையல் அனுபவத்தை விளக்கும் பத்தி, photo அல்லது video-வை பதிவிடலாம்.
  • உங்கள் சமையல் முறையை video-வாக பதிவிடலாம்.
  • உணவு பண்டங்களின் பாரம்பரியம் அல்லது ஊட்டச்சத்துக்களை விளக்கும் பத்தி, photo அல்லது video-வை பதிவிடலாம்.
  • பிற வாடிக்கையாளர்களின் review மற்றும் rating-கை பதிவிடலாம்.

இவற்றை செய்வதன் மூலம் எவ்வளவு வருமானம் ஈட்டமுடியும்?

எதிர்வரும் காலத்தில் தொலைக்காட்சிக்கு மாற்றாக இணையம் வளரும் என்று நிபுணர்களால் சொல்லப் படுகிறது. அது உண்மையாகுமெனில் மேற்குறிப்பிட்டவற்றை செய்வதன் மூலம் உங்களை இணையவெளியில் நிலைநிறுத்திக்கொள்ள முடியும். மேலும் நீண்டகால அடிப்படையில் இவை கண்டிப்பாக உங்கள் நிறுவனத்துக்கு பலன் தரும்.


Facebook-ஐ பயன்படுத்தி உங்கள் வாடிக்கையாளர்களை சென்றடைவது எப்படி? தெரிந்து கொள்ள எனது அடுத்த post-ஐ படியுங்கள்!

என்னை தொடர்பு கொள்ள - Contact me

உங்க கருத்துக்கள் / விமர்சனங்கள் / பரிந்துரைகளை கீழே உள்ள comment box-இல் பகிருங்கள்.

புதன், 5 ஜூலை, 2017

இணையசந்தை அறிமுகம்

வணக்கம் இணைய நண்பரே!!

இதுவரை நீங்கள் இணையத்தை எதற்காக எல்லாம் பயன்படுத்தியிருக்கிறீர்கள்?
  • Facebook-இல் நண்பர்களுடன் உரையாட?
  • Whatsapp-இல் forward message-களை பகிர்ந்து கொள்ள?
  • உங்களுக்கு தேவையான தகவலை google-இல் தேட?
  • PayTM-இல் recharge செய்ய?
  • Google Map-இல் நீங்கள் சென்றடைய வேண்டிய பாதையை தெரிந்து கொள்ள?
  • அல்லது Bus Ticket, Train Ticket , Movie  Ticket  முன்பதிவு செய்ய?
Inayasandhai banner
Photo created by Freepik
இவ்வாறு நாம் தினம் தினம் நம் அத்தியாவசிய தேவைகளுக்காக இணையத்தை பயன்படுத்தி வருகிறோம். சமீபத்தில் மேற்கொள்ளப்பட்ட ஒரு ஆய்வின் முடிவில் ஒவ்வொரு இந்தியனும் சராசரியாக 3 மணி நேரம் இணையத்தில் செலவிடுகிறார் என்று தெரிய வந்துள்ளது.

இணையத்தின் பயனர்கள் அதிகரித்து வரும் அதே வேளையில், இணையத்தின் மூலம் நடைபெறும் வணிகமும் அதிகரித்து வருகிறது. Flipkart , Amazon போன்ற இணையதளங்களை பயன்படுத்தாத இணையவாசிகளை காண்பதே மிகவும் அரிது.

இவ்வாறு பல்கி பெருகிவரும் இணையத்தளங்கள் மற்றும் சமூக வலைத்தளங்களால், இதன் மூலம் நடக்கும் வர்த்தகமும் பெருகி வருகிறது. நிஜ உலகில் உள்ள குறு, சிறு மற்றும் பெரு  வணிக நிறுவனங்கள் அனைத்தும் , இணையம் என்னும் நிழல் உலகிலும் தங்களை நிலை நிறுத்திக்கொள்ள வேண்டியது மிகவும் அத்தியாவசியமாகிறது.

இவ்வாறு இணையம் மூலம் நடத்தப்படும் சந்தைப்படுத்துதலையே Digital Marketing , அதாவது இணைய சந்தை என்று அழைக்கின்றனர். இந்த இணைய சந்தையில் உங்கள் வணிகத்தையும் பங்கேற்க்க வழிகாட்டுவதே இந்த தளத்தின் நோக்கம்.