facebook லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
facebook லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

சனி, 20 ஏப்ரல், 2019

வாடிக்கையாளர்களை ஈர்க்கும் ஈடுபாட்டு பதிவுகள் [User Engagment Posts]

நீங்கள் Facebook போன்ற சமூக வலைத்தளங்களில் மூலம் உங்கள் தயாரிப்புகள் அல்லது சேவைகளை விற்க முனைவோரா? இதை கவனத்தில் கொள்ளுங்கள்.
Facebook பயனர் பெரும்பாலும் எந்த பொருளையும் வாங்கும் நோக்கில் இங்கு வரவில்லை.
பெரும்பான்மையான நேரங்களில் அவர் பொழுதுபோக்கிற்க்காகவோ, நண்பர்களுடன் நேரம் செலவிடுவதற்க்காகவோ அல்லது நண்பர்களின் பதிவுகளை காண்பதற்க்காகவோதான் login செய்கிறார் என்பதை நினைவில் கொள்ளுங்கள்.


ஒரு பொருளை வாங்க எண்ணும் பயனர் பொதுவாக Amazon, Flipkart போன்ற ecommerce தளங்களையோ அல்லது அந்நிறுவனத்தின் தளத்தையோ பயன்படுத்துவர். விவரம் அறிந்த பயனராயின் Trivago, Policybazaar போன்ற தளத்தின் மூலம் வாங்கும் முடிவை (puchase decision) மேற்கொள்வர்.


அப்போ Online வர்த்தகத்தில் சமூக வலைத்தளங்களின் பங்கு என்ன?

பெரும்பான்மையான நிறுவனங்களின் வணிகம் Facebook-க்கிலோ Instagram-மிலோ நடப்பதில்லை. மாறாக தங்களின் உத்தேச வாடியாளர்களை (prospective customers) ஈர்த்து தங்கள் நிறுவனத்தை பற்றியும் தயாரிப்புகளை பற்றியும் அவர்கள் அறிய செய்வதே அதன் முதன்மையான நோக்கமாக இருக்கும். உங்கள் நிறுவனத்தில் புதிய தயாரிப்புகள், தயாரிப்புகளை பற்றிய வாடிக்கையாளர்களின் விமர்சனங்கள், விமர்சன வீடியோக்கள், விளம்பர விடியோக்கள் போன்றவற்றை பதிவிடலாம். உங்கள் நிறுவனத்தின் புதிய தயாரிப்புகள் வாடிக்கையாளர்களை உடனுக்குடன் சென்றடைய இது உதவும்.

இத்தகைய பதிவுகளை சீரான இடைவெளியில் பதிவிட்டு வருதல் அவசியம். அப்போதுதான் வாடிக்கையாளர்களின் நினைவில் தொடர்ந்து நாம் இருக்க இயலும். ஒருவேளை அத்தகைய புதிய தகவலோ செய்தியோ இல்லையெனில் என்ன செய்யலாம்? 

அதற்கு உதவுவதுதான் இந்த user engagement posts எனப்படும் ஈடுபாட்டு பதிவுகள்.

ஈடுபாட்டு பதிவுகள் என்றால் என்ன?

நேரடியாக நமது நிறுவனத்தை பற்றியோ தயாரிப்புகளை பற்றியோ பேசாமல், நமது வாடிக்கலகையாளர்களை கவரும் வகையில் போடப்படும் பதிவுகளை, ஈடுபாட்டு பதிவுகளாக வகைப்படுத்தலாம். உதாரணமாக ஒரு குழந்தைகளுக்கான பொருட்களை தயாரிக்கும் நிறுவனம் தனது வாடிக்கையாளர்களை கவரும் வண்ணம் இந்த வீடியோவை பதிவிடலாம்.


உங்கள் பதிவின் நோக்கம்:

ஈடுபாட்டு பதிவின் நோக்கம் நேரடி வியாபாரமோ வருமானமோ அல்ல. அதன் நோக்கம் ...
  • பதிவின் பகிரும் தன்மை எனப்படும் shareability நன்றாக இருக்கவேண்டும் 
  • உங்கள் வாடிக்கையாளரின் எண்ண ஓட்டத்தை வெளிப்படுத்துவதாக இருக்க வேண்டும்.
  • பார்வையாளர்களின் ஈடுபாட்டை(Engagement) பெறும் தன்மை அதாவது like, click அல்லது video views பெற தூண்டுவதாக இருக்க வேண்டும்.

என்ன மாதிரியான பதிவுகளை போடலாம் என்பதற்கு, அரசியல் பேசும் டீக்கடைக் காரரையோ, வீட்டு குறிப்புகள் கொடுக்கும் மளிகை கடை அண்ணாச்சியையோ உதாரணமாக கொள்ளலாம். அதாவது நாம் ஒவ்வொரு முறை கடைக்கு செல்லும்போதும் இவர்கள் தங்கள் பொருளை விற்பனை செய்வது குறித்து மட்டுமே பேசுவதில்லை. மாறாக நமக்கு சுவாரசியமான அல்லது பயனுள்ள விஷயங்களையோ பேசுவர். இதுவே நாம் அக்கடைக்கு தொடர்ந்து செல்ல தூண்டும்.

எனவே நீங்களும் ஒரு User Engagement post-ஐ முயற்சி செய்து பாருங்களேன்...


உங்கள் கருத்துகள் / விமர்சனங்கள் / பரிந்துரைகளை கீழே உள்ள comment box-இல் பகிருங்கள்

வெள்ளி, 5 ஜனவரி, 2018

உங்கள் தயாரிப்புகளை பிரபலப்படுத்தும் video-வை தயாரிப்பது எப்படி?

நீங்கள் ஒரு புதிய பொருளை தயாரிப்பவரா? மக்கள் தேவை, வசதிக்கேற்ப மாற்றம் செய்யப்பட்ட தயாரிப்புகளை விற்பவர்களா? அல்லது ஏற்கனவே சந்தையில் உள்ள பொருட்களையே மலிவான விலையில் தயாரித்து விற்பவரா? உங்கள் தொழில் வெற்றிபெற வாழ்த்துக்கள். உங்களை போன்ற  தொழில் முனைவோர்களுக்கு உள்ள பொதுவான சவால், உங்கள் தயாரிப்பு அல்லது சேவையின் புதுமை மற்றும் தனித்துவமான அனுபவங்களை நுகர்வோர்களிடம் கொண்டு சேர்ப்பது. இதை சமாளிக்க சிறந்த உத்தி, காணொளி சந்தைப்படுத்தல் (Video Marketing).
Video Marketing

ஏன் video தேவை?

  • ஒரு தயாரிப்பை எளிமையாகவும் தெளிவாகவும் விளக்க கூடியது.
  • குறைந்த செலவில் நிறைவான வருமானத்தை  பெற்றுத் தரக்கூடியது .
  • நுகர்வோர்களுக்கு நம்பகமானது.
  • அதிகம் சமூக வலைத்தளங்களில் பகிரப்படுவது.
இந்த அடிப்படையானா அனுகூலங்களுடன், உங்கள் video-வில் பகிரப்படும் தகவல்களை பொறுத்து கூடுதல் பலன்களை பெறலாம்.

என்ன video பகிரலாம்:

பொதுவாக வணிக நிறுவனங்கள் பின்வருவனவற்றில் ஏதாவது ஒருவகை வீடியோவை பகிர்வர்.
  • தங்கள் தயாரிப்பு அல்லது சேவையின் செயல் விளக்கம் - Demo Video
  • தங்கள் தயாரிப்பை பற்றிய நுகர்வோரின் சந்தேகங்களும் அதற்க்கான விளக்கங்களும் - Q&A video
  • வாடிக்கையாளர் விமர்சனங்கள் - customer review
  • தயாரிப்பின் திறப்பு மற்றும் பயன்படுத்தும் முறை - Unboxing and Hands-on review
இத்துடன் உங்கள் தயாரிப்பின் பிரத்தியேக தேவைக்கேற்ப video-க்களை தயாரித்து வெளியிடலாம்.

Video-க்கள் நுகர்வோர்களிடம் சென்றடைவது எப்படி?

நீங்க தயாரித்த video-வை சமூக வலைத்தளங்கள் மூலமாக நுகர்வோர்களிடம் கொண்டு சேர்க்கலாம். உதாரணமாக, உங்கள் Facebook timeline-ல் share செய்யலாம், உங்கள் நிறுவனத்தின் Facebook பக்கத்தில் பதிவிடலாம், Facebook Group-களில் பகிரலாம், Whatsapp-ல் பகிரலாம், Youtube மூலமாக அணைத்து தளங்களிலும் embed செய்யலாம். அதுவும் கட்டணம் ஏதும் இல்லாமல்.

Jayaraj
சென்னையை சேர்ந்த திரு.ஜெயராஜ், இந்த முறையில் வெற்றிகரமாக தனது புதிய தயாரிப்பை பிரபலப்படுத்தி வருகிறார். தினமும் இருட்டிய உடன் தானாகவே எரியும் வகையில் LED பல்புகளை தயாரித்து Smart Lite என்ற பெயரில் விற்பனை செய்து வருகிறார். இவர் தனது bulb எப்படி வேலை செய்கிறது, அதன் சிறப்பம்சங்கள் என்ன போன்றவற்றை ஒரு எளிய செயல்விளக்க (demo) வீடியோவை வெளியிட்டார். இதனை தனது Smart Lite Facebook பக்கத்திலும் பகிர்ந்துள்ளார். இவரது டெமோ விடியோவை பார்த்து ஒரு சில நுகர்வோர்களும் மொத்த வியாபாரிகளும் தொடர்பு கொண்டுள்ளனர். இதனை தொடர்ந்து நுகர்வோர்களுக்கு உள்ள ஐயங்களை விளக்கி, அதையும் Q&A video-வாக பதிவிட்டுள்ளார். இவரின் முயற்சி வெற்றி பெற வாழ்த்துக்குவோம்.

இதை போல உங்கள் நிறுவனத்தின் தயாரிப்பையும் video marketing செய்ய வேண்டுமா? அப்போது நீங்கள் கவனத்தில் கொள்ள வேண்டிய சில  விஷயங்கள் என்னென்ன? அந்த video-வை குறைத்த செலவில் நீங்களே எப்படி தயாரிப்பது? இந்த video அதிகமாக பகிரப்பட்டு மேலும் பல நுகர்வோரை சென்றடைவது எப்படி? இவற்றை அறிய எனது அடுத்த பதிவை படியுங்கள்.

உங்கள் கருத்துக்கள் / விமர்சனங்கள் / பரிந்துரைகளை கீழே உள்ள comment box-இல் பகிருங்கள்

வியாழன், 23 நவம்பர், 2017

மொத்த வணிக (B2B business) வாடிக்கையாளர்களை பெற உதவும் Facebook Groups

பொருட்களை தயாரிக்கும் உற்பத்தியாளரா நீங்கள்? அல்லது புதிய வகை பொருட்களை விற்கும் மொத்த வணிகரா? உங்கள் பொருட்களை சந்தை படுத்த மற்றும் விருப்பமுள்ள சில்லறை வணிகர்களை பெற உதவுகிறது Facebook Groups.

Facebook Groups helping wholesale / B2B sales - banner

முதலில் உங்கள் Facebook account-ல் login செய்து கொள்ளுங்கள். பின்னர் மேலே உள்ள search box-ல் உங்கள் ஊர், நகரம் அல்லது மாவட்டப் பெயரை உள்ளிட்டு search செய்யவும். பொதுவாக எல்லா நகருக்கும் அந்தந்த பகுதி வியாபாரிகள் இணைந்து Group உருவாக்கி இருப்பர். அவை ...wholeseller, ...Business, ...market  போன்ற பெயர்களை கொண்டதாக இருக்கும். உதாரணமாக Coimbatore Business Club, Coimbatore Market place, Coimbatore Shoppings / Selling / Realestate Online போன்ற group-களில் உறுப்பினராகி உங்கள் தயாரிப்புகள் அல்லது சேவைகள் குறித்த பதிவிடலாம்.

உங்கள் பொருட்களை வெளியூர்களுக்கு அனுப்பும் (அதாவது shipping service) வழங்குகிறீர்கள் எனில், நீங்கள் மற்ற நகரங்களின் மற்றும் மாநிலவரியான Group-களிலும் பதிவிடலாம். வெளியூர்களுக்கு அனுப்பும்பொழுது ஏற்படும் சவால் என்னவெனில், நம்மிடமிருந்து பொருட்களை வாங்குபவர்கள் யார் என்று நமக்கு தெரியாது.ஆகையால் பொருட்களுக்கான தொகை பெற்ற பின்னர் பார்சலை அனுப்பவும். அல்லது Cash-on-Delivery (சுருக்கமாக COD) முறையில் அனுப்பலாம்.

அதேபோல், Facebook Group-களின் மூலம் பொருட்களை வாங்க வாடிக்கையாளர்கள் தயங்க காரணம், விற்பவர்களின் நம்பகத்தன்மை குறித்த ஐயம். வணிகர் எனும் போர்வையில் மோசடி ஆசாமிகள் சிலர் பொருட்களின் புகைப்படங்களை பதிவிட்டு, பணத்தை பெற்று கொண்டு கம்பிநீட்டிவிடுகின்றனர் என்பதுதான் இந்த அச்சத்துக்கு காரணம். உங்கள் நம்பகத்தன்மையை வாடிக்கையாளர்கள் அறிய நீங்கள் என்ன செய்யலாம்?
  • உங்கள் பொருட்களை பற்றி பதிவிடும்போது அவற்றுடன் நீங்களும் இருப்பது போன்ற புகைப்படத்தை பதிவிடலாம்.
  • உங்க இருப்பிடம் அல்லது கடையின் முகவரி, தொலைபேசி எண், போன்றவற்றை தெளிவாக குறிப்பிடவும்.
  • பொருட்களின் புகைப்படத்தை இணையத்தில் எங்கிருந்தாவது எடுத்து பதிவிடாமல், நேரடியாக நீங்களே எடுத்து பதிவிடவும்.
  • மன நிறைவடைந்த உங்கள் வாடிக்கையாளர்களின் கருத்துக்களை இணைத்து பதிவிடலாம்.
  • Facebook page மூலம் உங்கள் வணிக செயல்பாடுகள் குறித்து பதிவிடலாம். 
Facebook-ல் வாடிக்கையாளர்களின் நம்பிக்கையை பெறுவது அவ்வளவு முக்கியமானதா? ஆம் என்கிறது விகடன் நிறுவவனத்தினர் சமீபத்தில் நடத்திய கருத்துக்கணிப்பின் முடிவுகள். இதில் பங்கேற்றவர்களில் 50% மேற்பட்டோர் Facebook-ல் பகிரப்படும் தகவல்களில் நம்பகத்தன்மை இல்லையென கருத்து தெரிவித்துள்ளனர். ஆகவே, இவற்றை மனதில் கொண்டு Facebook Group-ஐ பயன்படுத்தி பயனடையுங்கள்.

உங்கள் வணிகத்துக்கு Facebook-ஐ வேறு எவ்வாறெல்லாம் பயன்படுத்தலாம் என அறிந்து கொள்ள இந்த பதிவை படிக்கவும்.

செவ்வாய், 7 நவம்பர், 2017

Online-ல் சுட்டிகளுக்கான வண்ணம் தீட்டும் சுருள்களை விற்கும் Inkmeo

நீங்கள் மக்கள் தேவையை உணர்ந்து புதுமையான பொருட்களை விற்கிறீர்களா? அப்பொழுது நீங்கள் உங்கள் பொருளை Online-ல் விற்பதன் மூலம் நிறைவான லாபத்தை ஈட்ட முடியும். அப்படி தன் Inkmeo என பெயரிடப்பட்ட வண்ணம் தீட்டும் சுருள்களை Online-ல் விற்பனை செய்து அசத்தி வருகிறது Magicbox Publications என்ற சென்னையை சேர்ந்த நிறுவனம்.


MagicBox நிறுவனம் குழந்தைகளுக்கான பாடல்கள் அடங்கிய CD மற்றும் DVD விற்பனை, Youtube Channel போன்றவற்றில் அனுபவம் வாய்ந்தது. தனது தயாரிப்புகளை Online-லேயே விற்பனை செய்து வருகிறது. "Online-ல் விற்பனை செய்வதன் மூலம் மொத்த விற்பனையாளர்கள் தவிர்த்து நேரடியாக வாடிக்கையாளர்களை சென்றடைகிறோம். அதனால்தான் எங்களால் குறைந்த விலையில் நிறைவான தரத்துடன் பொருட்களை தயாரிக்க முடிகிறது" என்கிறார் இதன் நிறுவனர் திரு.சதீஷ் குப்தா.

அடுத்த கட்டமாக, சுவற்றில் கிறுக்கும் வழக்கம் உள்ள குழந்தைகளின் படைப்பாற்றலை ஊக்குவிக்கும் வண்ணமாக தனது அடுத்த தயாரிப்பை வெளியிட்டுள்ளது இந்நிறுவனம். பேனா, பென்சில், க்ரயான் என தன் கையில் கிடைத்தவற்றையெல்லாம் வைத்து சுவற்றில் கிறுக்குவதே பெரும்பாலான குழந்தைகளின் பொழுதுபோக்கு. இவர்கள் சுவர்களை கரையாக்காமல் பாதுகாக்க, அதே சமயம் குழந்தையின் படைப்பாற்றலை ஊக்குவிக்கும் வகையில் உருவாக்கப் பட்டதே, Inkmeo Wall Colouring Rolls எனப்படும் வண்ணம் தீட்டும் சுருள்கள்.

இது ஒரு 7 அடி நீள மற்றும் 1 அடி உயரமுள்ள காகிதத்தால் செய்யப்பட்ட Colouring roll ஆகும். இதனுடன் 12 வண்ண Crayon Set, 6 இருபக்கமும் ஒட்டக்கூடிய stickers மற்றும் Inkmeo branded stickers ஆகியவையும் வழங்கப்படும். இதன் மற்றும் ஒரு சிறப்பம்சம், இதனோடு இணைந்து  செயல்படக்கூடிய Inkmeo - Augmented Realty App ஆகும். இந்த இலவச App-ஐ உங்கள் iOS அல்லது Android மொபைலில் install செய்து, அதன் மூலம் வண்ணம் தீட்டப் படாத Inkmeo சுருளை Scan செய்து பாருங்கள். என்ன மாயம்! இந்த சுருளின் கருப்பு-வெள்ளை தாளும் App-ல் வண்ணமயமாக காட்சியளிக்கிறது.

Inkmeo சுருள்கள் தாய்மார்களிடையே பலத்த வரவேற்பை பெற்றிருக்கிறது. வீட்டிற்குள் குழந்தை தொலைக்காட்சி அல்லது மொபைலை பார்த்துக்கொண்டே இருக்காமல், அவர்களின் அறிவுத்திறனை மேம்படுத்தும் சுவாரசியமான செயல்பாடுகளில் ஈடுபட வைப்பதில் வெற்றி கண்டுள்ளனர் இந்த தாய்மார்கள். அவர்கள் தங்கள் அனுபவங்களை Facebook, Youtube போன்ற சமூக வலைத்தளங்களிலும் பகிர்ந்து வருகின்றனர். இதை பயன் படுத்தும் முறை குறித்த சிறு Demo விடியோவை காண இங்கு click செய்யவும்.

2 முதல் 8 வயது வரையுள்ள பெற்றோர்களில் தேவை அறிந்து தயாரிக்கபட்டுள்ள Inkmeo - Wall Colouring Roll-கள், 12 விதமான theme-களில் கிடைக்கின்றன. "அடுத்த கட்டமாக தொழில் முனையும் தாய்மார்கள் (Mompreneurs) மூலமாக சந்தையை விரிவுபடுத்த திட்டமிட்டுள்ளோம்" என்கிறார் சதிஷ்.

தாய்மார்கள் மூலம் இவர்கள் எவ்வாறு சந்தை படுத்துகிறார்கள், இணையம் மற்றும் சமூக வலைத்தளம் மூலம் சந்தைப்படுத்த இவர்கள் பயன்படுத்தும் உத்திகள் என்னென்ன போன்றவற்றை எனது அடுத்த பதிவில் காண்போம்.

உங்கள் கருத்துக்கள் / விமர்சனங்கள் / பரிந்துரைகளை கீழே உள்ள comment box-இல் பகிருங்கள்

செவ்வாய், 15 ஆகஸ்ட், 2017

சமூக வலைத்தளத்தில் உங்கள் நிறுவனத்தை பரப்ப தயாரா?

நீங்கள் உங்கள் நிறுவனத்தை சமூக வலைத்தளம் மூலம் பரப்புவதற்கு முன்னர் செய்யவேண்டிய சில சுயபரிசோதனைகள் உள்ளன. ஏனெனில், இவற்றை நீங்கள் கவனிக்க தவறும்போது, உங்கள் பரப்புரை உங்களுக்கே வினையாக மாற வாய்ப்புகள் உள்ளன. எனவே கிழ்கண்ட சோதனைகளை நேர்மையாக உறுதி செய்த பின்னர், அல்லது அதற்கு தேவையான மாறுதல்களை செய்த பின்னர், உங்கள் நிறுவனம் சமூக வலைத்தளத்தில் பிரவேசிக்கலாம்.
Is_your_business_ready_for_Social_media_promotions


  1. நம்பகத்தன்மை: உங்கள் நிறுவனம் சொற்பமான வாடிக்கையாளர்களையே கொண்டிருந்தாலும் அவர்களுக்கு நீங்கள் நம்பகமானவராக இருக்க வேண்டும். இல்லையேல் நீங்கள் நீங்கள் சமூக வலைதளத்தில் உங்கள் விளம்பரங்களுக்கு அவர்கள் எதிர்மறையான கருத்துகளை தெரிவிக்க கூடும். சமூகத்தளவாசிகள் நிறுவனகளின் கருத்துகளை விட சக பயனர்களின் கருத்துகளுக்கே அதிக முக்கியத்துவம் அளிப்பர். சிறுதொழிலில் நம்பகத்தன்மை என்பது வாடிக்கையாளர்களின் கருத்துகளை கேட்பது, வாடிக்கையாளர்களின் தொலைபேசி அழைப்புகளை தவறவிடாமல் ஏற்பது, உங்கள் கட்டணங்களை வெளிப்படையாகவும் தெளிவாகவும் அறிவிப்பது போன்றவற்றை கருதலாம்.

  2. வாடிக்கையாளர் சேவை: உங்கள் நிறுவனம் வாடிக்கையாளர் சேவையை மையமாக கொண்டு செயல்பட வேண்டும். என்னதான் சிறப்பான சேவை அல்லது பொருளை வழங்கினாலும், அதை வாடிக்கையாளரின் தேவையை உணர்ந்து கொடுக்காவிடின், உங்களுக்கு பெரிய வரவேற்பு ஏதும் கிட்டாது. வாடிக்கையாளரின் எதிர்பார்ப்பை மிஞ்சிய சேவையே, அவரை சமூக வலைத்தளத்தில் உங்களை பற்றிய நேர்மறை கருத்துகளை பதிவிட தூண்டும்.

  3. புகார் தீர்வு அமைப்பு: உங்கள் வாடிக்கையாளர் புகார்களை உடனுக்குடன் தீர்க்கிறீர்களா? குறுகிய காலத்தில் சிறந்த தீர்வை அளிக்கிறீர்களா? புகாரை தீர்க்க முடியாத பட்சத்தில் மாற்று தீர்வு அளிக்கிறீர்களா அல்லது வாடிக்கையாளர் மனம் கோணாதவாறு பதில் அளிக்கிறீர்களா? இவற்றிற்கெல்லாம் உங்கள் பதில் ஆம் என்றால் உங்கள் நிறுவனம் சமூகத்தள சந்தைப்படுத்தலுக்கு தயார். இல்லையெனில் வாடிக்கையாளர்கள் தங்கள் புகார்களை சமூகத்தளங்கள் மூலம் வெளிப்படுத்தக்கூடும். உஷார்!

  4. தெளிவான குறிக்கோள்: உங்கள் நிறுவனத்தில் குறிக்கோளை தெளிவாக வரையறுக்க வேண்டும். குறிக்கோள் என்பது நீங்கள் அதிக வருவாய் ஈட்டுவது மட்டுமல்ல. அது உங்கள் நிறுவனம் ஒரு தனி மனிதனுக்கோ அல்லது சமூகத்துக்கோ எவ்வாறு உதவுகிறது என்பதாகும். உங்கள் குறிக்கோள் நேர்மையாக இருக்கும் பட்சத்தில் சமூகத்தளங்களில் நீங்கள் அதிகம் விரும்பப் படுவீர்கள். உங்க சமூகத்தள பதிவுகளும் உங்கள் குறிக்கோளை ஒட்டியே இருத்தல் அவசியம்.

  5. உள்ளடக்க திட்டம்: உங்க சமூகத்தள பதிவுகளுக்கான உள்ளடக்கம் என்னவென்ற திட்டம் இருக்க வேண்டும். பொதுவாக எல்லா நிறுவனங்களுமே வாடிக்கையாளர் பாராட்டுரைகளை (Testimonials) பதிவிடலாம். மற்றும் உங்கள் நிறுவனத்திற்கேற்ப புது வரவுகள், வாடிக்கையாளர் குறிப்புகள், துறை சார்ந்த தகவல்கள், நிறுவனத்தின் நிகழ்வுகள், உங்கள் எதிர்கால திட்டங்கள் போன்றவை பதிவிடத்தகுந்தவை. மேலும் உங்கள் பதிவுகள் ஒரே சீரான கால இடைவெளியில் பதிவிடவேண்டும் என்பதையும் கவனத்தில் கொள்ளவேண்டும்.

  6. நேர மேலாண்மை: சமூகத்தளங்களில் உங்கள் கருத்துகளை பகிரும் கால இடைவெளியை தீர்மானிக்க வேண்டும். அவ்வாறு தீர்மானிக்கப்பட்ட இடைவெளியில் ஒரே சீராக கருத்துக்களை பகிர்ந்து வரவேண்டும். உங்கள் வாடிக்கையாளர்களையும் நிறுவனத்தையும் அதன் குறிக்கோள்களையும் நன்கு உணர்ந்தவர்களால் மட்டுமே சிறப்பான பதிவிட முடியும். அதற்க்கு போதுமான ஓய்வு நேரம் உங்களுக்கு இருக்கிறதா? 
இந்த அணைத்து பரிசோதனைகளிலும் உங்கள் நிறுவனம் தேறிவிட்டதா ? வாழ்த்துக்கள். இப்போது உங்கள் நிறுவனம் சமுகத்தளத்தில் நுழைய தயார்.

என்னை தொடர்பு கொள்ள - Contact me

நீங்கள் அடுத்து தெரிந்து கொள்ள வேண்டியது,Facebook-ஐ பயன்படுத்தி உங்கள் வாடிக்கையாளர்களை சென்றடைவது எப்படி?

ஞாயிறு, 30 ஜூலை, 2017

உங்கள் Facebook Ad சிறப்பாக செயல்படுகிறதா என்பதை கண்காணிப்பது எப்படி?

இப்பொழுது உங்கள் முதல் Facebook கட்டண விளம்பரத்தை தொடங்கி விட்டீர்கள். முதல் விளம்பரத்தை சிறிய தொகையுடன் தொடங்கவும். அதற்கு கிடைக்கும் வரவேற்பை கருத்தில்கொண்டு தொடரலாம் அல்லது விளம்பர அமைப்புகளை சற்று மாற்றி அமைத்து செயல்திறனை மேம்படுத்தலாம். உங்கள் கட்டண விளம்பரத்தை மேம்படுத்தி சிறந்த பலன்களை வழங்குவதில் Facebook குழுவினர் வல்லவர்கள். ஆகையால் கவலை மறந்து Facebook தரும் குறிப்புகளை புரிந்து செயல்பட்டால் சிறந்த பலன்களை பெறலாம்.

துவக்க நிலையில், நாம் சில அடிப்படை அளவீடுகளை கண்காணித்தல் போதுமானது. அவ்வாறு நாம் கண்காணிக்க வேண்டியவை என்னென்ன, அவற்றை எவ்வாறு பொருள் கொள்ளவேண்டும் என்பதை காண்போம். Advert Manager பகுதியை பயன்படுத்தி நீங்கள் எளிமையாக உங்கள் விளம்பரத்தின் செயல்திறனை கண்காணிக்கலாம்.

How_to_monitor_if_your_Facebook_ad_is_performing
Designed by katemangostar / Freepik
முதலில் www.facebook.com/ads/manager என்ற உரலியை சொடுக்கவும். அடுத்து நீங்கள் காண விரும்பும் காலவரையை தேர்ந்தெடுக்க வேண்டும். வலதுபுற மேல் மூலையில், Create advert பொத்தானுக்கு கிழ் உள்ள Dropdown-ஐ சொடுக்கவும் (படம் 1 காண்க). உங்கள் விளம்பரத்தின் செயல்திறனில் போக்கை அளவிட வார காலவரை (this week) சிறந்தது.

How_to_monitor_if_your_Facebook_ad_is_performing_fig1
படம் 1
Account Overview பக்கத்தில் உங்கள் விளம்பரத்தை பார்த்தவர்கள் எண்ணிக்கை(Reach), செலவழித்த தொகை(Amount spent), பதிவுகள்(Impressions), இணைப்பு சொடுக்குகள்(Link clicks) ஆகியவற்றை நாள் வாரியாக ஒப்பிட்டு அதன் போக்கை அறியலாம். மேலும் பாலினம், வயது, மணி வாரியாக விளைவுகளை(results) பகுத்தறியலாம்.

இரண்டாவதாக உள்ள Campaigns பக்கத்தில் உங்கள் campaign-வாரியான பலன்களை அறியலாம். Delivery நெடுவரிசையில்(column) உங்கள் campaign-ன் நிலையை அறியலாம். active எனில் campaign பயன்பாட்டில் உள்ளது. Not delivering, inactive எனில் செயல்பாட்டில் இல்லை என்று அர்த்தம். எத்தனை முறை உங்கள் campaign அதன் குறிக்கோளை அடைந்துள்ளது என்பதை Results நெடுவரிசையில் அறிந்து கொள்ளலாம். Cost per result-ல் உங்கள் மொத்த செலவு தொகையை நீங்கள் பெற்ற like-களின் (இந்த campaign-ன் குறிக்கோள்) எண்ணிக்கையால் வகுத்து அதன் சதவிகிதத்தை குறிப்பிடுவர். Amount spent என்பது நீங்கள் செலவிட்ட மொத்த தொகை, Ends-உங்கள் campaign-ன் நிறைவு தினம்.

மூன்றாவதாக உள்ள Advert Sets பகுதியிலும் இதே நெடுவரிசைகள் கொடுக்க பட்டுள்ளன. ஒவ்வொரு campaign-னுக்குள் இருக்கும் பல்வேறு advert set வாரியாக அதே அளவீடுகளை காணலாம். நீங்கள் குறிப்பிட்ட சில campaign-களின் செயல்திறனை மட்டும் காண விரும்பினால், campaign பகுதியில் அந்த campaign-க்ளைம் மட்டும் தேர்ந்தெடுத்து பின்னர் advert sets பகுதிக்கு வந்து காணலாம். அவ்வாறு செய்யும் பொழுது நீங்கள் தேர்ந்தெடுத்த campaign-ன் advert set-கள் மட்டுமே காட்டப்படும்.

நான்காவதாக, adverts பகுதியில் மேற்குறிப்பிட்ட நெடுவரிசைகளுடன் Relevance என்ற நெடுவரிசையும் கூடுதலாக கொடுக்க பட்டிருக்கும். உங்கள் விளம்பரத்தை பார்வையாளர்கள் எவ்வாறு எதிர்கொள்கிறார்கள் என்பதற்க்கேற்ப 1 முதல் 10 வரை ஒரு மதிப்பீடு வழங்கப்படும். இந்த மதிப்பீடு உங்கள் விளம்பரம் 500 பதிவுகளை தாண்டிய பின்னரே வழங்கப் படும். உங்கள் relevance எவ்வளவு அதிகமாக இருக்கிறதோ, அவ்வளவு வரவேற்பை பெற்றிருக்கிறது என்று கொள்ளலாம்.

இப்பொழுது நீங்கள் கண்காணிக்க வேண்டியவை என்னென்ன என்பதை காண்போம்.

  • Cost per result எவ்வளவு என்பதை கண்காணிக்க வேண்டும். உங்கள் வியாபாரத்தில் சராசரியாக ஒவ்வொரு வாடிக்கையாளரிடமிருந்து எவ்வளவு லாபமீட்டுகிறீர்கள் என்பதை பொறுத்து அந்த கட்டணம் கட்டுப்படியாகுமா என்பதை சரிபார்த்துக் கொள்ளுக்குங்கள். Cost per result அதிகமாக இருப்பின் அந்த campaign-க்கு உட்பட்ட எந்த advert set அல்லது advert சரியான பலன் தரவில்லை என்பதை கண்டறிந்து அதனை நிறுத்தி வைக்கலாம் அல்லது மாற்றி அமைப்பது குறித்து ஆலோசிக்கலாம்.
  • Relevance மதிப்பெண் குறைவாக இருப்பின் அந்த advert-ஐ மட்டும் நிறுத்தி வைக்கவோ அல்லது மாற்றி அமைக்கவோ ஆலோசிக்கலாம்.
  • Campaign-க்கு உள்ளே இருக்கும் தலைப்பு பட்டையில் உங்கள் plus குறியீடு உள்ள பொத்தானை அழுத்தி CTR(all) என்ற நெடுவரிசையையும் சேர்த்துக்கொள்ளுங்கள். Click through rate என்பதே அதன் விரிவாக்கம் ஆகும். உங்கள் விளம்பரத்தின் பதிவுகள் மற்றும் அதை சொடுக்கியவர்களின் எண்ணிக்கை ஆகியவற்றின் விகிதாச்சாரமே இந்த CTR ஆகும். ஒரு குறிப்பிட்ட campaign-ல் இந்த விகிதம் குறைவாக இருப்பின், அதன் கீழுள்ள advert set மற்றும் advert-களின் CTR-களை ஆராய வேண்டும். அதில் ஒப்பீட்டளவில் குறைவான CTR கொண்ட advert set அல்லது advert-ஐ நிறுத்துவது அல்லது மாற்றியமைப்பதன் மூலம் உங்கள் விளம்பரத்தின் செயல்திறனை மேம்படுத்தலாம்.

இந்த அடிப்படை தகவல்களை கொண்டு ஓரிரு விளம்பரங்கள் செய்த பின்னர், facebook வழங்கும் மற்ற மேம்படுத்தப்பட்ட வசதிகளையும் முயற்சித்து பார்க்கலாம். வாழ்த்துக்கள்!!!
என்னை தொடர்பு கொள்ள - Contact me உங்கள் கருத்துக்கள் / விமர்சனங்கள் / பரிந்துரைகளை கீழே உள்ள comment box-இல் பகிருங்கள்.

சனி, 8 ஜூலை, 2017

Facebook-ஐ பயன்படுத்தி உங்கள் வாடிக்கையாளர்களை சென்றடைவது எப்படி?

இணையத்தில் உங்கள் வணிகத்தை இலவசமாக விளம்பரப் படுத்த சிறந்த வழி, Facebook page உருவாக்குவது.

Facebook-இல் விளம்பரப்படுத்துவதில் முதல் படி Facebook Page உருவாக்குதல். Facebook Page என்பது Facebook profile-லிருந்து சற்றே மாறுபட்டது. உங்கள் நிறுவனத்துக்கான page தொடங்குவதன் மூலம் post, photo, video-க்கலை பகிர்வதோடு contest நடத்தலாம், offer-களை பகிரலாம். Facebook page-ன் மூலமே Facebook-ல் கட்டண விளம்பரங்களை பிரசுரிக்க முடியும்.

Facebook page-ஐ உருவாக்குவது எப்படி?

  • முதலில் facebook.com தளத்தை திறந்து உங்கள் username மற்றும் password-ஐ பயன்படுத்தி login செய்யவும்.
  • பின்னர் இடது பலகத்தில் Create-எனும் தலைப்பின் கீழ் page என்ற link-ஐ சொடுக்கவும் (click செய்யவும்).
  • அடுத்த திரையில் நீங்கள் உள்ளூர் வணிகரா, நிறுவனமா, வியாபாரியா  என்பதற்கேற்ப தகுந்த விருப்பை தேர்ந்தெடுக்கவும்.
  • அடுத்து உங்கள் பக்கத்தின் பெயரை பதிவு செய்யவும்.
  • உங்கள் பக்கம் உருவாக்க பட்டுவிட்டது. உங்கள் நிறுவனம் / வர்த்தகத்தின் முத்திரை மற்றும் வாடிக்கையாளர்கள் எளிதில் தொடர்புபடுத்திக் கொள்ளக்கூடிய புகைப்படம் போன்றவற்றை முறையே profile மற்றும் cover புகைப்படமாக பொருத்தலாம்.
  • உங்கள் வணிகத்தை பற்றிய அறிமுகம் மற்றும் விளக்கம், முகவரி, இடம், தொடர்பு எண், வணிக நேரம் போன்ற தகவலையும் பகிரலாம். உங்கள் வணிகத்துக்கு பொருத்தமற்றவற்றை அல்லது பொதுமக்களுக்கு பகிரவிரும்பாதவற்றை தவிர்த்து விடலாம்.
இப்போது உங்கள் Facebook page தயாராகி விட்டது. 

How to reach your customers through Facebook - Banner
Designed by Freepik

எப்போது page-ல் post செய்ய வேண்டும்?

Page-ஐ உருவாக்கியவுடன் உங்கள் வணிகத்தின் அறிமுகத்தை பத்தியாகவோ, புகைப்படமாகவோ அல்லது காணொளியாகவோ பதிவிடலாம். 

உங்கள் பொருள் / சேவையை வாடிக்கையாளர் பயன்படுத்தும் கால இடைவெளி மற்றும் நீங்கள் உள்ளடக்கத்தை (content) உருவாக்க தேவையான இடைவெளி போன்றவற்றை கருத்தில் கொண்டு, நீங்கள் பதிவிடப்போகும் இடைவெளியை தேர்ந்தெடுக்கவும். பின்னர் அந்த இடைவெளிக்கு மிகாமல் தொடர்ந்து பதிவிடுங்கள். இவ்வாறு செய்வதால் உங்கள் வாடிக்கையாளர்கள் நினைவில் நீங்கள் தொடர்ந்து இடம்பெற வழிவகுக்கும்.

ஒருவேளை பொருளடக்கத்தை உருவாக்க அதிகப்படியான நேரம் தேவைப்படுமாயின், இடைச்செருகலாக உங்கள் வணிகம் சம்பந்தமான பிற சுவாரசிய தகவல்கள் அல்லது புகைப்படம் / காணொளிகளை பதிவிட்டு வரலாம். இது உங்கள் வாடிக்கையாளர்களின் ஈடுபாடு குறையாமல் இருக்க உதவும்.

எவ்வகை Facebook பதிவுகள் உங்கள் வாடிக்கையாளர்களை கவரும்? தெரிந்து கொள்ள எனது அடுத்த post-ஐ படியுங்கள்!

என்னை தொடர்பு கொள்ள - Contact me
உங்கள் கருத்துக்கள் / விமர்சனங்கள் / பரிந்துரைகளை கீழே உள்ள comment box-இல் பகிருங்கள்.

வெள்ளி, 7 ஜூலை, 2017

சமூக வலைத்தளங்களை பயன்படுத்தி சம்பாதிப்பது எப்படி?

சமூக வலைத்தளங்கள் பொழுதுபோக்குக்காக மட்டுமே என்று நினைப்பவரா நீங்கள்? இல்லை. சமூக வலைத்தளங்களை சரியாக கையாண்டால் அதன் மூலம் பணம் சம்பாதிக்கவும் முடியும்.

நிஜ உலகில் வர்த்தகம் செய்து வரும் சிறு / குறு தொழில் முனைவோரா நீங்கள் ? ஆம் எனில் நீங்கள் உங்கள் வியாபாரத்தை சமூக வலைத்தளங்களை பயன்படுத்தி வருமானத்தை பெருக்கலாம்.

சமூக வலைத்தளம் மூலம் நேரடியாக வியாபாரம் செய்ய முடியுமா?

முடியும். ஆனால் அவ்வாறு முயன்றவர்களால் பெரிதாக வருமானம் ஈட்ட முடியவில்லை என்பதே நிதர்சனம். மாறாக சமூக வலைத்தளங்களை பயன்படுத்தி வாடிக்கையாளர்களை ஈர்க்கலாம், ஈடுபடுத்தலாம். இதனை சந்தை மொழியில் customer Engagement என்று அழைக்கின்றனர்.
Social media for small business banner
Designed by Freepik

உதாரணமாக, நீங்கள் ஒரு சிறிய உணவகமோ அல்லது சாலையோர உணவகமோ நடத்துகிறீர்கள் என வைத்துக்கொள்வோம். நீங்கள் உங்கள் வாடிக்கையாளரை தக்க வைத்துக்கொள்ள என்ன செய்வீர்கள்? 
  • உங்கள் உணவில் சிறப்பை விளக்குதல் .
  • உங்கள் கடையின் தனித்துவத்தை எடுத்துக்கூறுதல் .
  • உங்கள் அல்லது உங்கள் சமையல்காரரின் சமையல் அனுபவம் மற்றும் திறமையை எடுத்துக்கூறுதல்.
  • சமையல் முறையை வாடிக்கையாளர் காண அனுமதித்தல்.
  • உணவு பண்டங்களின் பாரம்பரியம் அல்லது ஊட்டச்சத்துக்களை விளக்குதல்.
  • பிற வாடிக்கையாளர்களின் பாராட்டுகளை குறிப்பிடுதல்.
இதை நிஜ உலகில் செய்யும் பொழுது உங்கள் கருத்து 5-6 பேருக்கு மட்டுமே சென்றடையும். இதையே நீங்கள் சமூக வலைத்தளம் மூலம் பகிரும்போது அது சில ஆயிரக்கணக்கானோரை சென்றடைய வாய்ப்புள்ளது.

மேற்குறிப்பிட்ட செயல்களை சமூக வலைத்தளம் மூலம் எவ்வாறு செய்யலாம்?

  • உங்கள் உணவின் சிறப்பை விளக்கும் பத்தி, photo அல்லது video-வை பதிவிடலாம்.
  • உங்கள் கடையின் சிறப்பை விளக்கும் பத்தி, photo அல்லது video-வை பதிவிடலாம்.
  • உங்கள் அல்லது உங்கள் சமையல்காரரின் சமையல் அனுபவத்தை விளக்கும் பத்தி, photo அல்லது video-வை பதிவிடலாம்.
  • உங்கள் சமையல் முறையை video-வாக பதிவிடலாம்.
  • உணவு பண்டங்களின் பாரம்பரியம் அல்லது ஊட்டச்சத்துக்களை விளக்கும் பத்தி, photo அல்லது video-வை பதிவிடலாம்.
  • பிற வாடிக்கையாளர்களின் review மற்றும் rating-கை பதிவிடலாம்.

இவற்றை செய்வதன் மூலம் எவ்வளவு வருமானம் ஈட்டமுடியும்?

எதிர்வரும் காலத்தில் தொலைக்காட்சிக்கு மாற்றாக இணையம் வளரும் என்று நிபுணர்களால் சொல்லப் படுகிறது. அது உண்மையாகுமெனில் மேற்குறிப்பிட்டவற்றை செய்வதன் மூலம் உங்களை இணையவெளியில் நிலைநிறுத்திக்கொள்ள முடியும். மேலும் நீண்டகால அடிப்படையில் இவை கண்டிப்பாக உங்கள் நிறுவனத்துக்கு பலன் தரும்.


Facebook-ஐ பயன்படுத்தி உங்கள் வாடிக்கையாளர்களை சென்றடைவது எப்படி? தெரிந்து கொள்ள எனது அடுத்த post-ஐ படியுங்கள்!

என்னை தொடர்பு கொள்ள - Contact me

உங்க கருத்துக்கள் / விமர்சனங்கள் / பரிந்துரைகளை கீழே உள்ள comment box-இல் பகிருங்கள்.